Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » جُست بکن ۔۔۔ اکبر بارکزئی

جُست بکن ۔۔۔ اکبر بارکزئی

تو کہ سَر زُرتہ وتی دست ئے دلا  جُست بکن!۔

تو وتی سینگ ئے پُر مہریں گُلا جُست بِکن!۔

تو وتا جُست بِکن!۔

تو مناجُست بِکن!۔

ہر کساجُست بِکن!۔

جُست بِکن!۔

جُست بِکن!۔

تو وتی کوہ وگَراں جُست بِکن!۔

کوچگ و مچگدگاں جُست بِکن!۔

کور و گیابان و ڈلاں جُست بِکن!۔

تو وتی گزو چِشاں جُست بِکن!۔

گوار و براتان و کساں جُست بِکن!۔

تووتی مات و پتاں جست بکن!۔

کوہنگیں دَپتراں تپاّس بکن!۔

ھَنّوگیں جاوراں چکّاس بکن!۔

راج ئے محنت کشاں تو جُست بِکن!۔

کاری و بَزگراں تو جُست بِکن!۔

ہمدلیں بیل و یلاں جُست بِکن!۔

تو وتی راہ بَراں جُست بِکن!۔

ہَرچ گپّے چہ اِشاں جُست بِکن!۔

”چون؟“ و ”پرچے؟“چہ اِشان جُست بِکن!۔

 

توکہ سَر زُرتہ وتی دست ئے دلا  جُست بِکن!۔

تو وتی سینگ ئے پُر مِہریں گُلا جُست بِکن!۔

تو وتا جُست بکن!۔

تو مناجُست بکن!۔

ہر کسا جُست بکن!۔

جُست بکن!۔

جُست بکن!۔

 

راج ئے اے اُگدہ کہ تو زُرتہ۔ بِزان!۔

رہبراں دائما چے کُرتہ۔ بِزان!۔

راج ئے غم وار و بَداں درُست بکن!۔

تو وَتی بیل و یلاں درست بکن!۔

تو پہ جوانی آ وتی راہ بَراں درُست بکن!۔

جُست بکن!۔

کواپگیں نعرہ یاں روچ و شپا رومُست بکنت

کار بَندیت دِگِراں جِندئے بلے بُست مَکنت

توچُشیں رَہبر ئے نَزیکا مرو!۔

بے دلیں نا شَر ئے نَزّیکا مرو!۔

تو چُشیں نا شَراں پیشوک مکن!۔

آچِشے تو پہ اِشاں روک بِکن!۔

تو وتی فکر ئے  سر ءَ، جِند ئے سر ءَ اوست بکن!۔

کلپ و رَدکاراں وتی دوست مَکن!۔

جُست بکن!۔

تو کہ سر زرتہ وتی دست ئے دلا  جُست بکن!۔

تو وتی سینگ ئے پُر مہریں گلا جُست بکن!۔

تو وتا جُست بکن!۔

تو مناجُست بکن!۔

ہرکسا جُست بکن!۔

جُست بکن!۔

جُست بکن!۔

 

فکر ئے وُژنا وتی بَندِیگ مکن!۔

رُنگ راہاں وتا  نَدرِیگ مکن!۔

 

کورکائی تو کسی رَند ا مرو!۔

چو مَکسکا تو مَرگ ئے تَندا مرو!۔

 

تو وتی جِندا چوتاوان مکن!۔

فکر ئے گنجاوتی چو زیان مکن!۔

 

بیدِ زانتا کدی آشوب نہ ایت

بیدِ فکر ئے سِلاحا سوب نہ ایت

 

چو مَبیت مُپت خُدا زیان ببئے!۔

چہ وتی جِندا پشو مان بِبَئے!۔

 

تو وئی جِند ئے سرا  او ست بکن!۔

تو وتی فکر ا وَتی دوست بکن!۔

 

یک دَمے ہم وَتا بے ڈاہ مکن

جُست بکن!۔

تووتی رَہبراں چو وت سر و گمراہ مکن

جُست بکن!۔

تو کہ سر زُرتہ وتی دست ئے دلا۔جُست بکن!۔

تو وتی سینگ ئے پُر مہریں گلا جُست بکن!۔

تو وتاجُست بکن!۔

تو مناجُست بکن!۔

ہرکساجُست بکن!۔

جُست بکن!۔

جُست بکن!۔

 

(لندن 30اپریل 1988)

Check Also

یہاں خوش گمانی کا راج تھا  ۔۔۔  ازہر ندیم

یہاں آرزوؤں کی سلطنت تھی بسی ہوئی یہاں خواب کی تھیں عمارتیں یہاں راستوں پر ...

Leave a Reply

Your email address will not be published. Required fields are marked *