زوراخ بزدار

ہر درد قلما زئیشاں کنت.

رنجانی بہارے نوخیں کئے.

مہرانی پسلے ویراں بی

قہرانی کِشارے نوخیں کئے

ظلمانی شفے ایں  روش نوی

مونجھا نی تہارے نوخیں کئے

کیفانی گھڑی چھے دم داری

ڈکھانی خمارے نوخیں کئے

دائیں تہ سرانی لِیکو بنت

ساہانی وپارے نوخیں کئے

چھم راہ چھاریں دیذاں شہ رہنت

دیذاں یہ ملہارے  نوخیں کئے.

اے موت غمانی آں سر نئیں

رندا یہ تلہارے نوخیں کئے.

زوراخ تئی گالاں گیراروں

ہر روش کہ بارے نوخیں کئے