Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » اداسی ۔۔۔  شبنم گل

اداسی ۔۔۔  شبنم گل

باغ کے ایک کونے میں

ایک بوڑھا بینچ

پر بیٹھا ہے۔

وہ محسوس کرتا ہے

شہد کی مکھیوں کی بھنبھناہٹ

جو پھولوں کے لبوں سے

رس چراتی ہیں۔

ہوا میں تیرتی خنکی کی خوشبو

جس میں باغ میں کھلتے

ہر ایک پھول، پودے اور پتے

کا لمس شامل ہے۔

وہ محسوس کرتا ہے

اپنے اندر ایک ٹھنڈی /سردسانس

جب بچوں کو خوش ہوکر

دوڑتے دیکھتا ہے۔

اک پل کے لیے سوچتا ہے۔

زندگی ساکن/جامد نہیں

کسی مردہ منظر کی طرح

نہ ہی فقط موت کا انتظار ہے۔

شکن زدہ چمڑی کے پیچھے نہ ہی

درد کی بے چین کرتی

چبھن ہے۔۔۔

اس کے چہرے کی شکنوں میں

ایک بچہ چھپا ہے۔

آنکھوں میں بچپن جیسا ہی تجسس

چھلکتا محسوس ہوتا ہے

جیسے کہ وہ ماضی کو

ڈھونڈتا ہے،

اپنے کھوئے ہوئے چھوٹے

ساتھی یاد آتے ہیں،

ماں کی گود کا سکھ

باپ کی شفقت بھری چھاؤں

ایک پرسکون گھر کا اطمینان

شاید اور بھی بہت کچھ

وہ یہ بھی سوچتا ہوگا

کہ اب تک

اس نے کیا کچھ

گنوایا ہے۔

لیکن پھر وہ سوچتا ہے کہ گنوانا ایک حقیقت ہے

پھر وہ اٹھتا ہے

ایسے ہی بچوں کے ساتھ دوڑتا ہے

قہقہے لگا کر

تالیاں بجاتا ہے۔

وہ بچوں کے ساتھ خوشی بھر کچھ بتانا چاہتا ہے

بچے “پاگل پاگل۔۔” کہہ کر

اس کے پیچھے دوڑتے رہتے ہیں!

 

Check Also

بانجھ بنجھوٹی ۔۔۔ انجیل صحیفہ

میں نے  کثرت سے آنکھوں کی بینائی خوابوں پہ خرچی ہے سو آنکھ اب کوئی ...

Leave a Reply

Your email address will not be published. Required fields are marked *