Home » شیرانی رلی » مست توکلی زیارت ۔۔۔ صادق مری

مست توکلی زیارت ۔۔۔ صادق مری

نشکیں سنگے نہ انت

سر حیالی ئے چیدغ

کہ زیارت کثیں

چُکّثیں ایر کثیں

دور و باری گز اننت

وثی کوفغاں

سال و قرناں گوں ویلاں رونت زڑتغی

گام دیما لڑنت

دگ ڈساں دینت

پر ہواں اں گام و پندہانی

کہنیں رواج

ہواں یکیں واج

ہواں روش اناں کیث ویک واجی آ

نَیں گوزی نیں کہ مارا پہ پندھا باڑت مزلاں

تہ دہ اوشتاثغے

من دہ اوشتاثغاں

گاریں رژنای ئے کوریں چمانی وھاو انت کہ آغاہ نہ وی

جند آ پجھہ نیاری

تہ ہیمائینتہ

تہ جثہ دیمتری گامے پندھاں وثی

اشتہ نوخیں نشانے گوں رنداں وثی

ماترا مست واڑ بنگی ئے نام داث

پوہی انت مئے ہمے کہ گنوخے تو نے

پر سما انت کیا

سرحیالی ئے نام ایں شیلانغی

ماتئی سر حیالی ئے

سِنگ زیارت کثو چُکثو ایر کثہ

Spread the love

Check Also

سوچوں کے مضافات ۔۔۔ نسیم سید

روح رقصاں ہے یوں جیسے مجذوب گھنگھرو مزاروں کے یا دائرہ وار صوفی بھنور خواب ...

Leave a Reply

Your email address will not be published. Required fields are marked *