Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » پوھوزانت » پابلونرودا ۔۔۔ جئیند جمالدینی

پابلونرودا ۔۔۔ جئیند جمالدینی

پابلو نرودا ئے اسل نام ”ریکارڈو ایسر نیفتالی ریز بسولتا“ (Neftali Reyes Basoalto) ات۔ آئی پتا آئی شاعری و شاعر بئیگ دوست نہ ات و آنہ لوٹتے کہ آئی بچ شاعرے جوڑ بیت۔ہمے خاطر ا آنہی پابلو نرودا ئے کلمی ناما کہ اے نام چہ چیکو سلواکیہ ئے نامیں شاعر ”جین نیرودا“نام ئے مناسبتا زرتئی۔

”نیفتالی ریز بسولتا 12جولائی 1904آ لاطینی امریکی ئے ملک چلی ئے کسانین شہر پرال آ کہ چہ سانٹیا گو آ  350کیلومیٹر دور انت ودی بوت۔ آئی پت ئے نام جُوزی دل کارمین ریز مورلز  اتت۔ آنہی  مات سکولے آ استاد وپت ریلوے ملازم ات۔ آئی مات پابلو نرودا ئے ودی بوگ ئے دوماہ ئے توکا بیران بوت۔ آئی مات ئے بیران بوگا رند آئی پت چہ پُرالا دیم پہ ٹیمکوو اے نوکیں ہندا گوں یک زالے آآروس کرت کہ آئی پیشا یک نوسالگین جنین چُکے اتت۔ چہ ہمے زالا پہ نرودا یک گہارے ودی بوت۔

پابلونرودا 13سال ئے عمر ا شاعری بنا کرت و 14سال آئیرا مردم یک شاعرے زانت انت و پجارتنت۔ 16سال ئے عمرا آں سا ٹینٹا گو  آ پہ فرانچ و انگا چلی یونیورسٹی شُت کہ آنہی ارادہ استاد بوگ اتت بلے آ بہ شاعری آ دست گٹ بوت۔ 1923آ آئی اولی شاعری کتاب چھاپ بوت۔ ایشی دوہمی سالاآئی یک دگہ کتابے چھاپ بُوت آئی ایش ہر دوکین کتاب باز مردماں دوست داشت کہ چہ ایشی نرودازانگ بوت و اے کتاب دنیا ئے بازیں زبانانی تہا ٹرانسلیٹ کنگ بوت۔ صد سال گوزگا رندھم اے کتاب ہما پیما مشہور انت۔

1927آئرا  رنگون، برما آ قونصلیٹ ٹاہینگ بوٹ و چیزے وہدا رند ہندوستان، رند ا سیلون، جاوا،او سنگاپور ئے درملکی مشن ئے تہا کارے کُرت۔ بہ جاوا آئی ملاقات گوں ماریجک انتو نیا ایجنار وجیلز نگ نامیں یک جنین کہ ڈچ بنکا کار کرتے بُوت کہ رند اآواں آروس کُرت۔ چہ اے زالا آئیرا یک جنکے بوت کہ آئی نام مالوا مرینہ ہیر کُرت۔ مالوا چہ پیدائشا نادرا اتت و آتاں اشت سال زنگ بوت۔ ورند ا بہ آلینڈ بیران بوت۔ نرودا اے وہداں بہ میکسیکو آ سفیر اتت۔

سپینا سفارتکاری ئے وہدا ملک ئے تہا خانہ جنگی بنابوت۔ اے جنگے تہا ہزاراں مردم بیران وکشگ بوت۔ اشیا آنہی فکرو خیال بدل کُرت۔آ یک مارکسسٹ ئے جو ڑ بوت۔ آنازی جرمن ئے خلاف بوت و سٹالنا یک شرین لیڈرے لیکتے۔

سپین ئے سفارت کاری آ چہ آئرا بدل کُرت انت و میکسیکودیم داتنتے۔ آچہ 1940آ بگرتاں 1943آ  میکسیکو آ چلی ئے سفارت کار اتت۔

۔4مارچ 1945آ چلی ئے کمیونسٹ پارٹی آ پابلو نرودا وتی سینیٹر گچین کرت کہ آمن دراجیں مدتے یعنی 1948آتاں کمیونسٹ پارٹی ئے سینیٹراتت۔ 1948 شروع آ نروداآ ترس بوت کہ آئیرا  حکومت زندان کنت پرچے کہ سیاسی جاور کمیونسٹ پارٹی ئے حقا نہ اتنت وسیاسی حالات شرنہ اتنت۔ہمے خاطر ا نرودا گوں وتی لوگ بانگا چیر زمین شت و آئی وکمیونسٹ پارٹی ئے دوست دار وکین مردماں وتی لوگانی توکا آئرا چیر داتنت۔ آو آئی زال ڈالیادل کیرل کہ گوں آئی نرودا وتی میکسیکو ئے سفارت ئے زمانگا آروس کرتت،تاں سینزدہ ماہا چیر زمین اتنت۔ ہمے وہدا آئی سینیٹرشپا ختم کنگ بوت۔ کمیونسٹ پارٹی ئے چکا پابندی جنگ بوت 2600آ چہ زیات مردم چہ ووٹر لسٹادر کنگ بوت۔ کمیونسٹ پارٹی ئے مردماں آئرا و آنہی زالا چہ کوہ ئے یک درگے آ ار جنٹائنا فرار کرت انت۔ انچوکہ آچہ چلی آ درکپت تان سہ سالا دران ڈیہہ بوت۔ اے وہداں آیورپ، انڈیا، چین، سری لنکا و سوویٹ یونینا تروتاب کُرت و گیشتر وہد شاعری وسیاسی تگ وتاجا دست گٹ بوت۔

۔1952آ چلی ئے گوالیز ویڈ یلا ئے حکومت چہ کرپشن ئے سببا نزور بوت و سیاسی جیٹرہ زیات بوان بوت انت۔ چلی ئے سو شلسٹ پارٹی آ سلواڈ ور الاندے آ وتی صدارتی امیدوار ٹائینت۔ آلندے لوٹیتے کہ آنہی الیکشن کمپین ئے خاطراپابلو نرودا لوٹگ بہ بیت۔ نرودا چہ الیکشنا یک ماہ ساری چلی آ واتر بوت۔ الاندے الیکشنا سوب مند بوت و آئی آ الاندے آ فرانسئے سفیر جوڑ کُرت کہ اے عہد گ گوں آئی 1970آ بگرتاں 1973اتت۔

۔1971آ نرودا آنوبل انعام دئیگ بوت۔

پابلو نرودا آآخری وہداں پراسٹیٹ ئے کینسر بوت۔ 1973آآلاندے حکومت یک فوجی بغاوتے تہا ختم کنگ بوت۔الاندے کُشگ بوت وفوجا ملک ئے تہا حکومت ئے سرا قبضہ کرت۔

ڈرائیور مینول آریا ئے گشگ ئے ردا نرودا آ زہرئے سوچنے جنگ بوت کہ ہمے شیشنئے جنگئے شش گھنٹہ اندرا نروودا 23ستمبر1973ئے  بیگھابیران بوت۔ آئی جنازہ ئے چکا پابندی جنگ بوت بلے پابندی ئے پداہم ہزاراں مردم آئی جنازہا درکپتنت و آ ہتنت۔

Check Also

لاڑکانہ میں ایڈز کی وبا ۔۔۔ ڈاکٹر محمد سلیمان قاضی

پیش منظر اپریل 2019 کی بات ہے۔ ضلع لاڑکانہ کے ایک غریب علاقے رتو ڈیرو ...

Leave a Reply

Your email address will not be published. Required fields are marked *