Home » شیرانی رلی » قصہانی آسمان ۔۔۔۔ شہاب اکرم

قصہانی آسمان ۔۔۔۔ شہاب اکرم

بیا ، بنند ________ دم بکن
مناں!!!
تو اِش کتگ _________ قصہانی آسمان
صورتانی ماہیکان
بیا کہ گرنچے ‘ قصہانی بوجگئے ودار ا پیر کپت
بیا، کرنے ئے مسافتانی بیمّ گوں منا
“منی تہا
شیرکنیں تلاوتانی ھاراں مَلّ اِتگ
چَراگ و ملگزاراں شاہ جتگ
کوہ و کوچگانی زگریں جمبراں بگر
داں زپتیں درچک ئے نیبگاں
من یک یکا ششتگ اَنت
گوں زردیں نیّت ئے گلاباں جنگلیں
تو بلکیں سرپدئے ، کہ روچ ئے آھری مْراداں کس نزانت
بلئے گشنت کہ کلکشان ئے شیرگیں بدن
برفاں تنچ اِتگ
منارا آسئے سنگاں بخش اِتگ
ہزار کلکشانی راز و مونسیں ھبر
دور۔۔۔۔۔۔۔مسافرانی سبزیں کارواناں گوں سفر
ماہ او مشتریاں گوں ھبر
مناں قصہانی آسمان
تو اِش کتگ
کہ مرچاں تھنا یک زمین گونگیں ستاریے آکپتگاں
ابیتکیں جنگے ئے پڑ ا چو گونڈویے آ نشتگاں
بلئے منارا گیر کئیت وتی تمن
ہما چمن
کہ مرچاں نقطہ یے ئے صورتا گمان بیت
تو اتکگئے اِدا داں بیا ترا کلوھے گون کناں
تو وھدئے کہ زمینا واترئے
منی ابیتکیں قصہاں بزور او شوانگے ئے گونچانا اِیر بِکن
من روچے واتراں
داں شوانگی زمین
منا شگانے جت مَہ کنت!!!!

Spread the love

Check Also

سوچوں کے مضافات ۔۔۔ نسیم سید

روح رقصاں ہے یوں جیسے مجذوب گھنگھرو مزاروں کے یا دائرہ وار صوفی بھنور خواب ...

Leave a Reply

Your email address will not be published. Required fields are marked *