رفعت عباس 

ڈھوڈا آپ جوار دا ہے پیا، پانڑیں تازہ ہے پیا
جِتھ کراساں ویندے پئے ہیں رزق اساڈا ہے پیا

اسّاں نہ کہیں جنت پاروں ملنٹرتہا کوں آئے
من ساڈی وی سو سو گائیں سوسو میوہ ہے پیا

اساں کڈاہیں گھابرے ناہیں نویں گالھ کرنڑ توں
ساڈی روز حیاتی وچ ہک شہر پُرانا ہے پیا

ہکی موت پچھوں نہ ساکوں جھوک فنا سنٹرواوو
ہور دلیل گھن آوو جیکر ایہو دعویٰ ہے پیا

اساں اُنہاں شہریں وچوں بولے ہیسے رفعتؔ
جتھاں آپ خدا کوں لوکیں ڈٹھا ہویا ہے پیا