Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » ایویں سوچو بھلا ۔۔۔ جون لینن/مدثر بھارا

ایویں سوچو بھلا ۔۔۔ جون لینن/مدثر بھارا

ایویں سوچو بھلا
جو اتھاں کوئی جنت نئیں
ایویں سوچنڑاں کوئی مشکل نئیں
جوساڈے پیریں تلے کوئی دوزخ نئیں
ساڈے سر دے اتے صرف آسمان ہے

ایویں سوچو بھلا
جو اساں سبھ لوک
بس ایں ویلے جیندے ہیسے

ایویں سوچو بھلا
جو اتھاں کوئی سرحداں نہ ہوون
ایں سوچنڑاں کوئی مشکل نئیں
جو اتھاں کہیں کوں قتل کرنڑ اتے مرنڑ دی
کوئی وی وجہ نئیں
کوئی مذہب وی نئیں

ایویں سوچو بھلا
جو اتھاں سبھ لوک سکھ نال
جیندے ہوون

ایویں سوچو بھلا
جو اتھاں کہیں دی
کوئی شئے مالکی نئیں
عجب کیا ہے جو تساں
ایں کر گھنو
جو اتھاں کہیں کوں کوئی لوبھ یا بھک نئیں
کہیں دی کوئی غرض وی نئیں
جو اتھاں سبھ لوک ہک برادری تھی ونجن

ایویں سوچو بھلا
جو ایں دنیا تے سبھ لوک
ہک تھی ونجن

تساں ایں آکھو
جو میں ہک خواب ونڑدا وداں
پر میں کوئی کلہا نمہیں

میکوں آس ہے
جو ہک ڈیہنہ تساں سارے
میڈے کٹھے ہوسو
اتے ایہہ دنیا وی ہک تھی ویسی

Check Also

فہمیدہ ریاض کی کہی ہوئی آخری نظم 

(بشکریہ نجمہ منظور اور انیس ہارون صاحبہ) میں جس کمرے میں رہتی ہوں اِس کمرے ...

Leave a Reply

Your email address will not be published. Required fields are marked *