Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » سریاب روڈ پر ایک خزاں کی شام ۔۔۔ رضوان فاخر

سریاب روڈ پر ایک خزاں کی شام ۔۔۔ رضوان فاخر

میری رگ رگ میں اتر آئی ہے
انجیکٹڈ شام
کانپتا جاتا ہوں سگریٹ کے کش لیتا ہوا
اور سریاب کی ویران سڑک

زرد خوابوں سے لپٹتے فٹ پاتھ
بیتی شاموں سے بھری
چائے کی خالی پیالی
اور ہلکی سی شفق مائل ہوا چلتی ہوئی

شاخچوں پر سے ٹپکتی ہیں لویں
اور مدھم سے بہت ہی مدھم
گنگناتے ہوئے چلتے ہیں گٹر

شام کی ریل کی بجتی ہوئی سیٹی کے ساتھ
دن کسی سرخ پرندے کی طرح سر سے گیا
اور میں سہما ہوا
سگریٹ کے کش لیتا ہوا جاتا ہوں
دور سے گھورتی رہتی ہیں مجھے
سرخ آنکھوں بھری انجان گلی
وین بھوتوں سے بھرے!

Check Also

یہاں خوش گمانی کا راج تھا  ۔۔۔  ازہر ندیم

یہاں آرزوؤں کی سلطنت تھی بسی ہوئی یہاں خواب کی تھیں عمارتیں یہاں راستوں پر ...

Leave a Reply

Your email address will not be published. Required fields are marked *