Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » پوھوزانت » آشوب تبیں عطا شاد ۔۔۔ زاھدہ رئیس راجیؔ 

آشوب تبیں عطا شاد ۔۔۔ زاھدہ رئیس راجیؔ 

بلوچی لبزانکا آ کہ رائٹرے چَہ عطا شادؔ ئے ناما بے زانگ نہ اِنت۔ شائری اوپروز ھر دوئیں لٹریری تَھراں عطا ؔ ئے مجگیں کارچو درپشوکیں سُھیلا رُژنا اَنت ۔ پدا ھما کہ رائٹر نَہ اَنت بلے ٹی وی ڈرامہ چاروک و دلگوش دَیوک اَنت ستر چہ بلوچستانا ڈنّ جاہ منند بِہ بنت او ستر بلوچ راج ئے بَھر اوں مَہ بنت وھدے 148چاکرِ اعظم 147 او 148دشت 147 ئے ڈرامہ سیریلانی ترانگا کپ اَنت گُڑا ھمے گپّا جن اَنت کہ بلوچ اوبلوچانی دود ئے ھما یکتائیں اوزیبائیں دروشمے کہ عطاؔ شاد ادیما آورتگ چد وپیش پاکستان ٹیلی ویژن ہسٹری آ ھجبر گندگ نہ بوتگ ۔
منا یات ایں منی یک ھمکاریں دزگُھارے آکہ سیادی ے گوں’’ سوات ‘‘ ات یک رندے گوشگا اَت کہ شمئے بلوچی دوچی ئیں چادر من اولی برا 148دشت 147 ڈرامہ سیریلا دیستگ او دومی بر ابلوچانی لوگا ۔ اے ڈرامہ سیریلا منا انچوش بلوچی دوچ وُ دوچیئیں چادرئے شیدائی کُتگ کہ منا چَہ وتیگاگیشتر دوست بوتگ۔
الیکٹرانک میڈیاھمک زمانگا یک نہ یک رنگے آ وَھد ئے مستریں زلورت و لوٹ بوتگ اوانگتہ ھم اَست اِنت اوبازیں بلوچاں اے پلیٹ فارمئے سرا چہ اولی روچا بہ گر تاں روچ مروچی جتا جتائیں اُگدہ ئے سر ا کار کُتگ و کنگا اَنت۔ بلے بلوچانی ھما راستیں پجّارے کہ گوں سنگین تبے آعطا شادؔ ا دیما یاورتگ مارا دگہ چوشیں دَروَرے پہ الکاپی آ گندگا نئیت۔
عطا شاد ئے اگں کارانی تبا مردم کموکے اُرتی آ بہ چاریت ھمے پدّر بیت اِنت کہ عطا شاد ا دگرئے کِشک ئے گرک او سوبمندی آ وتی ناما پرکنگ ئے نادراھی نہ بوتگ(چوشکہ انگت ھم بازینے ئے تہا است اِنت) پمشکا مدام پہ وتا جتائیں کِشکے ئے شوھازگا سرگردان بوتگ اوپریشیا آآنہیا اِے گپّ ھم کمار نہ کُتگ کہ منا دنیا چے گوشیت ۔
شاد کہ دوزح ئے دیمپانئے گشنت
چوش کہ اے انسان ئے ابرمی تب انت کہ وتی باتنا مدام وتا چہ دومیا جتا او شرتر زانت بلے پہ ھاوندا درستیں مردم یک اَنت ۔ آھمنچو مِھر گوں عبادت کنوک او ھاوند ئے گپّانی منّوکاکنت، ھمنچو گوں وتی ناپرمانیں، ناشگریں بندہاھم کنت بلے وھدے دوسترین ئے گیچین ئے گپّ کیت گُڑا پہ آنہیا دیما تر ھمامردم اَنت کہ چہ وتی ربّا ھجبر دلپروش نہ بنت او چہ آنہیاشموشکار نہ بنت اوعطا شاد ھمے گپّے پھموک بوتگ ۔
عطا ؔ وتی شئیر ئے تہاھاجزی کنان او ایردستی منّانا گوشیت کہ ستر چَہ منی کاراں دنیا منا جھندم ئے دیمپان بہ زانت بلے اے ھما گُناھگار ے کہ ھمک گناہارند ھاوند ئے نیمگاپہ اُمیتے آوتی چماں شانک دَنت کہ ستر کسے منا پَھکایلا بہ دنت بلے ھاوند مناھجبر تھنا نہ کنت۔
اے شئیر ا’’ ھُدا ئے نیمگا چارگ ‘‘وتی تہا یک بلائیں بزانتے اِیر کنت ۔ چوش کہ ما زانیں تاں کسی دلا پہ کسے آ ستک، بیسہ وامیت مہ بیت آ ھجبرآنہیانہ چارایت۔ بزاں ستک وبیسہ ئے بنیاد اُمیت اِِنت کہ عطا آاِدا مُھر داشتگ اوآ زانت کہ دنیا منا ستر اِیر بہ جنت بلے ھاوند چہ وتی مِھر امنا بے بَھرنہ کنت ، منا دَور نہ دنت ، آ بکشوک وپھِل کنوک اِنت ومنی چاروک ومنی سرارَھم کنوک اِنت۔
پارساؤں نے بڑے ظرف کا اظہار کیا
ہم سے پی کر ہمیں رسوا سرِ بازار کیا
لھتے پہ زَھر گوشنت کہ اردو شائرانی رما عطا شادا کسے نہ منّیت او ھمے ڈوبارایت کہ 148عطا وہی جو کوٹہ کا شاعر ہے 147 بلے اے زھری ئے پُشدر ئے چارگا ھمے راستی دیما کئیت کہ آ ستر148 کوٹہ کا شاعر 147 اَت بلے درامدانی رماھم سرئے بُرزو چست اَت۔
واجہ فیصل احمد گوندل وتی پٹ وپولی نبشتانک 148 عطا شادؔ کا تخلیقی ارتقاع 147 ا تران کنان گوشیت:
۔148 اگر یہ کہا جائے تو بے جا نہیں ہو گا کہ عطا شاد بلوچستان کی ڈیڑھ صدی سے زائد عرصے پر محیط اردو شعری روایت کا حاصل ہے ۔ اس حوالے سے دوسرا کوئی شاعر ایسا نظر نہیں آتا جو اس کی ہمسری کا دعویٰ کر سکے ۔147
عطا ءِ اردو شائری بِہ بیت اگں نا کسمانک نبیسی (ڈرامہ نگاری ) ما ھمے گنداِیں کہ آ وتی ساچشتانی تہا بلوچ وبلوچستان ئے پجّار اکنائینگا دِلمانگ اِنت۔ آنہی آشوبیں تبا وتی ھمک ساچشت ئے تہا انچیں ندارگ سازی کُتگ کہ دنیا بزانت بلوچ کئے اِنت ، بلوچ ئے لوٹ وزلورت چی اَنت، بلوچ ئے تب ومجبوری چی اَنت ، بلوچ ئے بزگی وواری چی اَنت ، بلوچستان کہ گوں بلوچ ئے ارواہابندوک اِنت اود ئے زند وزندگی ئے چست وایر چی اَنت۔
پہ تاسے آپے اسدسال وپا ئے بتلاوھدے عطا لچّہ ئے دروشمادیماکاریت وانوک ئے جان ئے پُٹ بال گِرانت کہ چتو بلوچ وتی زندگیاں پہ کسانیں تُنے ئے پروشگ ئے دیناں دَیگا رازیگ اِنت۔
ہزار امتحان یہاں، ہزار آزمائشیں
سیلاب کو نہ روکیے رستا بنائیے
دشت میں سفر ٹھہرا پھر مرے سفینے کا
دھوپ کی تمازت تھی موم کے مکانوں پر
برفاب کے آشوب میں جم جاتی ہیں سوچیں
چُھپ گیا ہے کہاں خلاوں میں
ایک زنجیرِ شب ہے پاؤں میں
عطا سے بات کرو چاندنی سی شبنم سی
کوہساروں کی عطا رسم نہیں خاموشی
عطاشاد ئے اے گیچین شئیرانی تہاکہ جتا جتائیں سنگ وپارسنگاں گوں گوپگ بوتگ اَنت آنہی مجگیں ندارگ سازی دلگوش کرزاِیت ۔ آنہی سادگ وُ پیچیدگیں ھردودابیں سرھالانی تہا معنویت ، شئیریت ، روانی ءُ جھولانکی مان اِنت۔
عطا ئے سرھالانی تہازندومرگ،مِھر وبے مِھری ، دوستی ودُژمنی، آس وآپ ، وپا وبے وپائی، گناہ و ثواب، درد وبے دردی، وشّی وناوشّی، مُچی وایوکائی، گلگ و دلپاکی، ستک وبے ستکی ، دلوارگی و دلوشّی، بَھِشت ودوزہ ، گوست واست ، دشت و دریا، کوہ وپٹ ، ھور وھار، گرمی وسارتی، آس ریچی و برپ گواری، لوار وگوریچ، آمین وتاکریچی ، روچ وشپ ، رُژنا وتہاری، تَھاررماھی وکلکشان درست وتی راستیں بزانتا چہ جھولانکیا پدّر کنان اَنت۔
نیم شپی پاساں من دلا اومان کناں
بے وسیں زندوبے وسیں بَھت ئے چے گناہ
بے نوا زند انت او منی شاتیں ہمبلو
عطا ئے چیھالگاں، مدام وتی وانوک وسرپد بَیوک چَہ وابا پچ لرزینتگ اَنت ۔ گوں عطاآدردانی سپر کنگ گونڈوئیِ کارے نہ اِنت بلے ایوکا پہ ھماہاں کہ گوں ھمتوار ا گوشنت: 148چمّے بہ بیت پہ گندگا ۔ ۔ ۔ گوشے بیبت پہ اشکُنگ 147
منی عہد ئے ایر دستی ، تئی وھد ئے بادشاھی
منی راہا چِیر گیج انت، منی واھگانی شاھجو
آشوب تبیں عطا ءِ شائری ءَ 148من ومنی 147 ئے گال برے پہ ایوکا جندئے جورّگ و مارگانی درشانی آ کارمرز بیتگ اَنت وبرے وتی راج ئے اُپّار وچیھالگ ئے توار جوڑ بیتگ اَنت۔ عطا وتی راجئے ڈوباروکانی دیمااُشتاتگ سرجمیں دنیا آ گوشان اِنت:
منی گناہ ھمیش انت کہ ھچ گناہوں نیست
منی میار ھمیش انت کہ بے میارآں من
عطا ئے گلگ ئے تہا ایراد وسکین ھردو یکپاریگا ھوار اَنت ۔
فقیر اپیر گُشنت ، شاعر ا ولی نہ گوشنت
عطا ئے گلگ زاری ئے رنگہ تژنئے تہا ھم کچلیں راستی یے پدر اِنت۔
ڈوب گئے تو جھوٹے ٹہرے
بد ھما انت کہ منی مرگا پد
اِدا بلوچ ئے مردگ پرستیں تب ئے سراعطا ئے ایراد ونگد ئے جتائیں دروشمے گندگاکئیت۔ عطا اِدا وتی ھمبل ودوزواہاں گوں تچکاگلگ کنگااِنت کہ وھدے تو منی زندگیامنی کارانی کدر کنوکے نہ ئے ، مناگوں ھمراہ داری کنوک و دلبڈی دَیوکے نہ ئے گُڑا منی مرگاپد کبر ئے سرونا نندگ و نالگ ترا ھچ رنگہ نہ براھیت۔
اے شئیر ئے تہاعطا مارا وتی آ درستیں مخلصیں بلوچانی ترانگایات گیجگا اِنت کہ آھاں وتی سرجمیں زند پہ راج و راجی دیمروئی ئے کاراں داتگ بلے راجاآھانی بستارو ارزشت ھما وھد ا زانتگ کہ کبر ئے تہا ایر دَیگ بوتگ اَنت۔
آس وتی وِ گس وتی، سنگ وتی و سر وتی
زیمییں دلاکجا براں کہ تیر وتی جِگر وتی
عطا ئے اے شئیراھرکسے بوان ایت کُچّلیں بچکندگے الّماجنت کہ پیرینانی ھما گوشتگانک ئے دیما کئیت کہ بلوچا کسے جت نہ کنت بیدئے چہ بلوچ ئے جند ا ۔
بژنیگیں گپ ایش اِنت کہ عطا شاد ا ھم اِے گپ ئے ادراک چہ ھما روچا بوتگ کہ اے راج ئے تہاوتی رُژنائیں چم ئے پچ کُتگ اَنت بلے بیا کہ آ ھم چہ ھما مردماں یکّے بوتگ کہ وتیگا دگرئے دیماڈوبارگ ئے شات نہ بوتگ۔
عطا وتی اے شئیر ئے تہا گوشگا اِنت : ھما آس کہ نوں مئے لوگ و ڈیھ ئے سراچو بُک بُکاروک اِنت درآمدے ئے سوگاتے بوت نہ کنت۔ آ سنگے کہ مئے سراں دْور دَیگ بئیگا اِنت تاں مارا چہ وتی ڈیھا تاچینگا مجبور بہ کنت اے ھم درآمد ئے دستا چِہ چَگل داتگیں نہ اِنت ۔ پدا وتی بزگیں راجادیما کنان عطا گوں دلوارگیا تران کنان گوشیت کہ تئی دل ستر چہ زھما سرریچ اِنت بلے چہ زبانا پسکگ کُت نہ کنت کہ آ ھم پہ شرّی زانت کہ تیرانی گواروک ھم درآمدے نہ اِنت و ایشانی دیمپانیں جگر ھم درآمدے نہ اِنت۔
ھرکسے آ کہ سگ و اوپار ئے راہ گیچین کُتگ آ پہ شرّی سرپداِنت کہ اے کشکا مدام گوں وتیگا ڈیک ورگ کپیت وپہ عطاؔ ئے تب ئے مردماں سک گران اِنت کہ درآمدانی دیما وتیگا ایر بہ جنت و کم شرپ بہ کنت۔
زندمانی تئی رنگراہئے سرا، آبلہ پاد
چک جناں چاراں کہیبانی گلا توار کناں
عطا ؔ ھما حساسیں انسانے کہ آنہی دل وزند ،یک انچیں بچکندگے کہ گناہ ئے پشومانیادنت و ارسیگ کنت، بلے وتی جند ئے پہ بچکندگا ارمانیگ اِنت۔
یک عطاشادے نہ اِنت دریگتیں بوتیں یکے
تئی ڈیل اے جہانانی جہان شنگینتگ
تاں انسانا وتی جند ئے سرا بیسہ مہ بیت آ ھچ دابیں زَھمے جت نہ کنت۔ عطا آ وتی جند ئے سرا وتی سنچ و صلاھیتانی سرا، وتی زانت وزانشت ئے سراانچیں بیسہ و اوستے بیتگ کہ آ دژمنانی دیما اُشتگ گوانک دیان اِنت کہ دریگتیں یکے دگہ عطا شادے بوتیں گُڑا شما بہ دیستیں چونیں آشوبے یاورتگ اَت ئے ۔

Check Also

جاں بی بی بزنجو ۔۔۔ شاہ محمد مری

میں نے5  جون 2019  کو  عید والے دن محترمہ جاں بی بی کی وفات کا ...

Leave a Reply

Your email address will not be published. Required fields are marked *