Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » اداس روح اور خزاں کی ہوائیں۔۔۔سندھو پیرزادہ 

اداس روح اور خزاں کی ہوائیں۔۔۔سندھو پیرزادہ 

تمہارے لیے مانگی گئی میری دعائیں
کالے دھاگوں پر بندھی میری گرہیں
نظر اتارنے کے سب انتر منتر
اور آدھی رات کے بعد
کی گئی میری عبادت
ہواؤں پر حاوی ہوجاتی ہے
نوراتری کی نو ہی راتیں
دیوں میں التجائیں جلتی رہتی ہیں
خزاں کے موسم میں
زرد انتظار اور درگاماں کی پوجا
بڑھ جاتی ہے
مندر میں بجتی گھنٹیاں
دعاؤں کا صدقہ اتارتی رہتی ہیں
کولکتا اور پونے میں
گربا ڈانس کی پارٹیاں عروج پر ہیں
میرا بے روح جسم
خوبصورت ترین لباس میں
ان پارٹیوں کا حصہ ہے
پر میرے دل میں
تمہاری یادوں کے لوبان کا دھواں
اداسیوں کی ادھوری تشبیہہ
تلاشتا رہتا ہے
ندی میں بہتے سفید پھول
اور خاموش پرندے
گیان میں ہیں
اور ایک پیلا پتہ
خزاں کی ہواؤں میں
بھٹک رہا ہے۔۔۔۔۔۔

Check Also

The Axiom Of Soil— Nosheen Qambrani

یہ بہشت ِ اجل محوِ خوابِ رواں عمر کی پیاس کا تاس (1) تھامے ہوئے ...

Leave a Reply

Your email address will not be published. Required fields are marked *