Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » عبداللہ شوہازؔ 

عبداللہ شوہازؔ 

دود ءِ سستگیں اوتاک

اد آ جہان منی مارگانی واہند اِنت
تئی اوں پرپکیں بالاد لیبویے پرشتگ
کہ دود ئے سستگیں اوتاک چو النگا انت
نگاہاں شانک دیاں بندیاں نگاہانی
گوئزانت روچ منی چہر ااشکریں سال ئے
نہ گنداں مونِسے ہر چاریں گیدی ئے کنڈاں
بزانت راز امنی کیگد ئے ملوری ئے
کہ وہدے نندی حیالانی سارتیں منگیر ا
تماہ ئے بکملیں پیراماکپّکاں رد کنت
کپیت مئے یاداں وتی نرم و نازکیں دستاں
گوں شلّیں سوچّناں سُمبیت پدّرہیت سہتے
شلنت ارس منی لال ئے زاگلیں چمّاں
جہان ئے دیما وتاچیر دنت و ہیسکاریت
دل ئے سکیناں وتی شار ئے دامنابندیت
شمال ئے زلفاں ہڑینیت نگاہ ئے وشبوہاں
نہ کنت گوں مہرمیں دزگواراں ہلوت و ترانے
بگندئے رنگ بہ چنت مہر سیہ تہاری ئے
وفا ئے شیشگاں زہرے نبا بہ ٹلّائیت
پترونک ءِ پلّ بہ بیت دست و دیدگاں کو ش ئے
بہشت ئے ہاک وتی منزل ئے وداری بیت
بہ میسّی جیگ پدا ماہ ئے موسم ئے ترمپاں
چو شانتلاں پدا اومان بیت بہارانی
زگالیں دل پد اسر چوڑ و شاہڑے کشّیت
بہ شولّی زند منی ساہ ئے بانز ل و بالاں
من چکّاں ہاکا من روسّیناں چیدگامہر ئے کناں ودار تئی ہاک ئے ہوری ئے بانک
اے زندگی آ اگاں گوں ترا ہوار نہ باں
دلانی بستگیں زمزیل عاقبت مان انت
نہ انت دائمی دودانی سستگیں اوتاک
اے زانت لوڈے شپ ئے ڈنگراں پتاہان انت
منا چہ گڈّ چراگے بلیت سر ا کشّیت
بہ شنگی رژن گدانا داں سر بہ بیت دہرئے
پدا تو پہ مناواتر بہ کن بیا کیگد
چراگازور منی قبر ئے نند پادومّ آ
تئی گوں نیاداں پدا واہگاناامبازاں
شوہازؔ ئے ناما ترا وت شوہازؔ ، شوہازاں

دِرتہ پچّ 

در نہ بُتکگ چلّگانی
موسمانی لنٹ حشک انت
بو چہ میتاپ ئے دریگاں
رتکگ انت
ہاکاں ہوار انت
کہ ماہل ئے جیگ ئے کلمپر
دِرتہ پچّیں یک فقیریں
بے رعائیں مردمے آ
سستہ آساں دور داتگ
دِرتہ پچّ !۔
ساہکندنا انت
وہدئے زوراکیں حداہاں
پُر گوں ہاکاں رُپتگ انت
او،
دِرتہ پچّ ئے ہردو چمّاں مان ریتک انت
حکم بیتگ !۔
اے جساں ہاکاں ہواریں
در بہ کن چنکے کلمپر
دِرتہ پچّا زار زار اِنت
دِرتہ پچّ ساہکندنا انت
دِرتہ پچّ ئے چمّ کور انت
بس!۔
ہمے یکیں گناہا
کہ زندگیں داریت دلے

Check Also

فہمیدہ ریاض

کوتوال بیٹھا ہے کیا بیان دیں اس کو جان جیسے تڑپی ہے کچھ عیاں نہ ...

Leave a Reply

Your email address will not be published. Required fields are marked *