Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » حمید لیغاری

حمید لیغاری

اژما مْریذ دْراہا شتہ

ھانی دہ اِشتئی بانہڑاں
میری سلِہہ گوں جابہاں
رِندی تْرا لوھیں کماں
ھانی گوں کونجی گڑدنا
گڑتو دِہ رِنداں گؤشتغث
اژما مریذ دراہا شتہ

ٹَپاں وثی پاشینغث
براں تلاں گوازینغث
درداں چہ ایکا نارغث
ھانی زھیراں گوارغث
گڑتو دِہ رنداں گؤشتغث
اژما مریذ دراہا شتہ

مستاں گوں ریخاں جھاگغث
ریڑیں گْذاں جانا کثو
قولاں وثیغاں پالغث
ابریشمیں ھانی گْل ئے
نمیراں کنغا ھیلہث
گڑتو دِہ رِنداں گؤشتغث
اژما مریذ دراہا شتہ

دْراہیں مریذ ٹَپاں زذیں
سینغ کلْور آھیزغیں
معیارا چہ میری کْشتغیں
پْلیں مْریذ، پاغ واجہیں
سنگت ملنگانی شتہ
گڑتو دِہ رِنداں گؤشتغث
اژما مْریذ دْراہا شتہ

اش تئی معیارئے بانڈواں
چہ جاڑو جلمبانی زواں
سیریں او وشیں ساعتاں
نرمیں او گرمیں سینغاں
اش تئی گروخیں دیدگاں
کْھٹا او وشیِں سا سرا
بوفاں چہ نرمیں دَزگلا
دِل چہ تئی رندی میڑواں
کل نئیں بکو لڈثو شتہ

ھالیں ھمے دْراھیں دلے
اش سیرھا درکپتغیں
اش دھڑکواں آھوڑتغیں
مونجاں چہ باریں مردمے
درداں چہ پْریں سینغے
پریات او دانہی ایں دفے
اوار گوں فقیری ٹولیاں
ویلانی بگے گون نی
ھِرّے گْرئینی ایکویٰ
براں پِھری الواد کنت
ایرگیں دلے سیریں دلے
بے لیکویں روزیغ دار
پھَروانکہ تو گؤشتہ ہمے
ڈکھے ترا چیں گِپتغئیں
دْراھیں دلے ئے واجہئے
ایرگیں دِل اَنت شہیں مْرید
ایشانی کھِسوّ کئے نزانت
مْچ بیثغو یکیں دفا
یکیں دفا بشکندغاں
بازیں عزاباں دِہ پذا
گڑتو دہ رِنداں گوشتغث
اژما مْریذ دْراہا شتہ

نظم

رْوح مئیں برّاں گردی کئث
ماہیں دروشماں پولانا
مکرانی گْذاں لوٹانا
بولانی گِہیں دوشے بی
یا کہ بی سمی یے کاہانی
بیلی تھیوغا کانہال اَنت
ماہ غم گِپتغءں ماہاں را
پاذاں چہ شفاذ ھانی اَنت
پْشتاپُژ دریں سمی اَنت
درداں سررشیں مہناز اَنت
سیمْک کْل منی گریوانا
زیندئے سفرا جھمباننت
کْل مئیں ماھیں ماہ دروشم
ڈْکھاں پاھوئے درنجاننت
زیندا بیر گریں بالاچی
شفانی چھرغاں بکّاننت
زیندا آنسرے بشکوخیں
مہروندیں منی ماہ دروشم
کیزاں مزلا سر باثنت
دیم ئے بْکلا چھنڈاثنت
سیاھیں بے سریں بذ نشکا
لخوشاثنت مئیں ابریشم
اسیلیں دروشماں سہرائی
کیزاں کوہسراں جھلکیننت
کیزاں سنگتاں گالی بنت
کیزاں جابہاں تنچاثنت
کوھانی سرا شِنگاثنت

بیا روشے ترا گِنداں

 

بیا روشے ترا گِنداں
بیا تئی دید شئدائیں
زھیرانی جثغیں
بے مْرادیں دِل
دنی دِہ پہ ترا ھِیلیں
اے چے زانی کہ
ہژدہ سال گؤستہ دہ، سوا اشتو
اے بے جْوفوّ نزانی کہ
ھسابانی تلا بیئغ
مزیں کساں شموشینی
اے چے زانی کہ
تو نہ کْث
تہ تئی’’ نہ آ‘‘را ہائی گیغ نے دْبر
اے چے زانی کہ
تئی دستاں را دستے تی کسی بیثہ
یا تئی بارغیں سرینا
یا تئی ساہ وشیں تی کسے کوفغ سرا آسِث
اے ناپوہے گنوخے ایں
اے نا پوہا را وث تو ڈس
شموشغ نئیں بذیں کارے
شموشغ زیند آنسر کنت
شموشغ مردْمئے مرغیں
مرغ دِہ عیب نئیں ڈیہہ آ
مرغ چہ ایکوی آ آجوئیں جھٹے
یہ پہرے ایں
مرغ چہ مونج سوزاں او زہیراں چہ جْذا بیغیں
شگاناں چہ چْھڑا بیغیں
زروری نئیں غمانی پٹغا پہ تئی
گْلیں رکّانی واسے بی

زروری نئیں کہ ڈْکھانی
گہیں دیمپان تئی زْلف اَنت
زروری نئیں کہ تئی بھانکْر
دِلانی مونج گیئشنت
شموشغ نئیں بذیں کارے
شموشغ زیند آنسر کنت۔۔۔

Check Also

فہمیدہ ریاض

کوتوال بیٹھا ہے کیا بیان دیں اس کو جان جیسے تڑپی ہے کچھ عیاں نہ ...

Leave a Reply

Your email address will not be published. Required fields are marked *