Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » افضل مرادؔ 

افضل مرادؔ 

ایک پرانی رسم

گاؤں کے جوہڑ سے اکیلی
پا نی بھرنے جاتی ہوں
آتے جاتے نادیدہ آنکھوں سے
ڈرتی جاتی ہوں
اپنے لرزتے اورالجھتے لہجے سے
اماں ابا کو باہر کے وحشت کے قصے سناتی ہوں
شک کی بنا پر
تھپڑ گھونسے کھاتی ہوں
بھائی کے غصے سے اس کے سرخی مائل
آنکھوں سے ڈرتی جاتی ہوں
مشکیزہ رکھ کر پھر جلدی
جنگل سے لکڑی لینے چلی جاتی ہوں
بیگانی ہوجاتی ہوں
جانے کیا ہوجاتا ہے
رستوں میں رہ جاتی ہوں
جیسے ایک بہت پرانی جینے کی
اک رسم نبھائے جاتی ہوں ۔۔۔!!!۔

المیہ 

آج
مارکیٹ میں
اس قدر ہجوم تھا باتوں کا
میں کافی دیر تک
اس شور شرابہ کی
زد میں رہا
بڑی مشکل سے
اپنا آپ چھڑا کر
گھر نکل آیا ۔۔۔!۔
گھر پہنچ کر
عجیب حیرت سی ہوئی
ادھر ادھر ٹٹولتا رہا
کھڑکی دروازے
او ردالان میں تلاش کرتا رہا
مگر کہیں نہ ملا۔۔۔
میں باتوں کے ہجوم میں
اپنا آپ کہیں چھوڑ آیا تھا

انکاری

کچھ بھی جان لو اس کو
نہ کوئی دلیل اس کی
نہ کوئی سبب اس کا
جب ہوئی ہے پابندی
ہوگیا ہوں میں باغی ۔۔۔!!۔

Check Also

فہمیدہ ریاض

کوتوال بیٹھا ہے کیا بیان دیں اس کو جان جیسے تڑپی ہے کچھ عیاں نہ ...

Leave a Reply

Your email address will not be published. Required fields are marked *