Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » ایک آواز ہے ۔۔۔ گلناز کوثر

ایک آواز ہے ۔۔۔ گلناز کوثر

کیا کہوں۔۔۔ایک آواز ہے
بھیگے پتوں پہ بارش کی بوندیں بجاتی۔۔۔
بہت کھنکھناتی ہوئی۔۔۔
ایک آواز ہے۔۔۔ گنگناتی ہواؤں کے کومل پروں پر
دبے پاؤں کھڑکی سے آتی۔۔۔۔۔
رسیلے، الگ ، اجنبی ذائقوں سے بھری۔۔۔۔
میری خاموش دنیا میں ہلچل اٹھاتی۔۔۔
ادھر سے ادھرسرسراتی
لچکتی ،لہکتی ، مہکتی ، سنبھلتی ، پھسلتی ہوئی۔۔۔
ایک آواز ہے
کرچی کرچی بکھرتی ہوئی شام چْنتی ہے
پھر چمچماتی ہوئی پوٹلی کھول کر
تارہ تارہ سجاتی ہے اندھی پراسرارراتوں کو
پیڑوں کے پیچھے ٹکاتی ہے اک چاند
اور گھول کر چاندنی میں حلاوت
کواڑوں پہ دھرتی ہوئی
ایک آواز ہے۔۔۔۔۔
سخت تنہائی میں
تھام لیتی ہے سانسوں کی ٹوٹی ہوئی ڈور،
ہارے ہوئے صبر کو
کھول دیتی ہے گرہوں کو۔۔۔
گرہوں میں الجھے ہوئے بھید سے نظم بْنتی ہے۔۔۔
بے جان حرفوں سے چہرے بناتی ہوئی۔۔۔
پانیوں اور زمینوں کے رْخ موڑ کر
وقت کی سرحدیں توڑ کر
مجھ تک آتی ہوئی۔۔۔
ایک آواز ہے۔۔۔۔

Check Also

زندگی  ۔۔۔ گلناز کوثر

اور پھر۔۔۔۔۔۔ رات کا جھلملاتا ستارہ بجھا ادھ کھلی آنکھ سے نیند گرنے لگی مسکراتی ...

Leave a Reply

Your email address will not be published. Required fields are marked *