Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » پوھوزانت » شاہ لطیف  ۔۔۔۔ سَیدمظہرجمیل/ رحیم بخش مہر

شاہ لطیف  ۔۔۔۔ سَیدمظہرجمیل/ رحیم بخش مہر

شاہ لطیف بھٹائی ئے ایندگہ ٹرانسلیشنانی تہا آغا سلیم ئے یکتائی و ارزشت منّ اتگین انت۔ آنہیا چیزے سال پیش(2000)شاہ لطیف ربیدگی بنجاہئے بھٹ شاہئے گوشگ ئے پدا شاہئے شعرانی کہ اُردو رجانک کتگ آ وتی جتائیں زیدو اثرے داریت۔ ایشی ئے تہا چہ فارسی شعریتا پہ زانت دیری ئے مارشت بیت او چہ اُردو کوہنیں دکنی و گجری ربیتا نزیکی ئے سما بیت انت ہمیشی سوبا آغا سلیم ئے اُردوٹرانسلیشن ئے تہا ہَندی تب ئے ہمگرنچی درابیت۔ اشیا ابید آغا سلیما وتی ٹرانسلیشن ئے تہا ہما زیمل و آہنگ ئے ہم حیالداری کرتگ کہ شاہا وتی شعرانی تہا برجاہ داشتگ ات۔ شاہئے ہمک ’’شئر‘‘ ئے تہا جدائیں زیمل و آہنگ است کہ ایشانی تہا ہندی’’چھندودیا‘‘ ئے کارمرزی بوتگ ات۔ پمیشکہ شاہئے ٹرانسلیٹراپہ اے گپّ ہژدری بیت کہ آہم شاہئے شعرانی زیمل ئے دامنا یلہ مدنت۔ داں شاہئے زبانئے سیادی انت۔ اے درگتا انچو یات دارگی انت کہ آلس فہموکیں زبانے نہ انت۔شاہاوتی حیالانی درشاناپہ وتی زبانے ساچ اتگ کہ اچ ’’لاڑ‘‘ئے زبانا اثرمند انت بلے آنہی شاعریا دگہ ہندانی گالوار ہم وتی زیبا گوں درابنت۔ آوتی بن گپّ ئے روآ وتی درشانئے وسیلگاں تراشیت۔
آغا سلیم ئے اے کارپد ہم تاریخی بستارے داریت کہ آنہیا شاہئے شعر اُردوآ ابید ما ا نگلشامنظوم صورتا ٹرانسلیٹ کرتگ او نوں آئی ترجمہ کرتگیں’’ کلام شاہ لطیف‘‘ اُردوآبید باززُوت دست کپیت۔
۔1993آاکیڈمی آف لیٹرز پاکستانئے دست چیری آ ڈاکٹرایازقادری او ڈاکٹر وقاراحمد رضوی آ ڈاکٹرایازقادری کمکا اُردو نثرا ’’شاہ جو رسالو‘‘ ئے ٹرانسلیشن پیش کرتگ کہ چاربن بنداں شنگ بوت۔
استیں اُردوٹرانسلیشن وتی یکتائی سوبا ماں سندھی لٹریچراشعبہ لطیفیاتا مزن بستاری اَنت۔ ایشاں ابید ہرروچ شاہئے شعرو زندنامگ ئے بابتا دیوان، تاک، ٹرانسلیشن ، تخلیص، تفیسرو دگہ ہمنچو مزن کساسے آ شنگ بوہگا انت ، استیں جاورحال شاہئے نامداری وَ گواہ انت بلے چوشیں مزنیں کساسے آ معنا او بزانتانی تہا شاہئے شعرانی اصل او راستیں معناو بزانت ئے گم و گاربوہگ ئے ترس ہم است انت۔ اے نیمگا شیخ ایازا ابراہیم جویوئے ناما وتی کاگدے ئے تہا اشارہ کنانا نبشتگ کہ’’شاہ ئے زندئے سرا پاکیزگی ئے پوشے پردئیگ بوتگ ایشی ئے درورو آئی زند ئے راستیں گوناپئے پدرکنگ گناہے زانگ بیت۔ ہمک مزنیں ازمکارے جذباتی مہرآئی سرریچیں (امڈتے) ازم ئے سرچمّگ بیت۔یک انسانے زیبائیں بدنئے سرکشّیں طلب، آئی نیادئے مرمرانکیں آس، آنہی جتائی ئے سوک، آنہی ابیتکیں نگاہ، ماں امبازاں زیرگ، آنہی پریات، آنہی منّت وزاری، آئی زیبائیں پسّو، زار گرگ و وشّان کنگ ئے ساہت و بجاز ئے سارتکیں ماہکانی ئے یک ازلی گواچنی ئے تپتگیں رُژن،’’بیت‘‘ ،’’وائی‘‘، ’’یکتارہ‘‘ا و ’’تمبورگ‘‘ درست آس جنگل گیابان، ساہدار، مرگ، ڈیمبر، آستانہ، درست آس، زمین آسمان برزتر ازلی ابدی برانز ایش انت منی شاہئے زندئے تصور، تو وت بگوش اگں اے پژدرہ من شاہئے زندا ناول ئے صورتا دیما بیاراں تہ منا منی اے ہم وطن مان ندارنت؟۔۔۔ماں سندھاشاہ ہما مُرگ انت کہ آئرا روحانیت ئے داما اڑینتگ و داں کرناں پنجروئے تہارامگ اش کرتگ۔ بگندئے کدی ہمے پنجرو آ پروشانا من آئرا آجو بہ کناں۔ آئرا سنج ئے رنگا مان آزمانئے بُرزی آں بالا بگنداں۔شاہ ماں سندھایک شاعرے نہ انت، تہنا ’’گیروالباس‘‘ (سنیاسی) انت’’بھبوت‘‘ انت( ہما پُرکہ جوگی و سنیاسی وتی بدنا مالنتیں) ازلی اہدئے دروہ انت ہرچی آنہی ادیرہا ’’بھٹ‘‘ ئے بدلا ’’کالی‘‘ ئے لمبا جوڑبکنت آسندھئے مستریں گناہگار گشگ بیت، دریگتیں من سندھارا پیش داشت کرت بکرتیں کہ مہرانکی شاعری چون بیت ایں؟ دریگتیں من مومل ئے پنگا بہ گراں سرء بازارا بیاران او ایشانا پیش بداراں کہ اے ارواہ ماں قندیلا موم ئے وڑا سُچیت او آپ بیت، ایشی سینگ ہم است، سرین ہم پر،جنسی تُنّگی ہم است۔ جنسی مہر ہما سوہان انت کہ ہمیشی سرا شاہئے ساچشتی بودشت(صلاحیت) تیز بنت ایں۔ اشیا ابید شاعری زنگ آماچ بیت۔
ردو بندو گچین ئے ردا ’’شاہئے رسالہا‘‘ءَ را لبزی وُ بزانتی زیملیت ئے حساباجتائیں سُرو راگانی تہا بہرکنگ بوتگ۔ انچو کہ گشگ بوتگ’’شاہ جو رسالو‘‘ئے اولی نسخہ ڈاکٹر ارنسٹ ٹرمپا1866آ چہ جرمنی آچاپ کرتگ ات۔ اے نسخہا26سُرہوارات۔ 1869آ قاضی محمد ابراہیما’’کلیاتِ شاہ‘‘ ئے تہا دہ یازدہ سُرانی گیشی کناناچہ بمبئی آ چاپ کرت۔ چدو پد جتائیں وہدو پاساپولکارو نگدکاراں شاہئے جتائیں نسخہ آنی تہا ہواریں اژ وت ٹاہینتگیں گیشیں شعرانی تپاس و درکنگئے جہد برجاہ داشت انت۔ پمیشکہ علامہ آئی آئی قاضی آ پٹّ وپول و چار و گچیناپد سی سُرشاہئے دیواناہوارکرتگ انت او گیشیں سُرآناردکرتگ۔ پمیشکہ قاضی ئے ردو بند داتگیں دیوانءِ سی ئیں سُرمعتبر زانگ بنت۔ بلے ڈاکٹر گرنجشانی ئے ردو بند داتگیں ’’شاہ جو رسالو‘‘ آ درستی29سُرہوارکنگ بوتگ۔پمیشکہ شیخ ایازاشاہئے شعرانی دیوانا ہم29سُرہوارانت۔وہد ے کہ آغا سلیما سی سُرانی ٹرانسلیشن کرتگ۔ دوئیں ٹرانسلیشنانی تہا سُرانی ردوبند اوں یکوڑنہ انت اوبازیں نامانی نیاما ہم دیگری است چوشکہ ’’سرسسی‘‘‘آ را آغاسلیما ’’سرآبری‘‘ ئے نام داتگ۔ ’’سرکیڈارو‘‘ شیخ ایازئے ٹرانسلیشنامان نہ انت وہدے آغاسلیم ئے مان انت۔(17)گوشگ بیت کہ سُرکیڈارو گیشیں شعرانی بہرانت۔ ’’شاہ جو رسالو‘‘ ئے سرانی تہا شعرانی ردوو بندو گچین انچیں وڑے آ ایرکنگ بوتگ کہ ہمک سُرئے شعر جتائیں بہرانی تہا بہرکنگ بوتگ انت۔ او چہ ایشاں ہمک بہرا را داستانئے بن گپّ دئیگ بوتگ۔ سُرانی تہا داستانانی کساس جتا ایرکنگ بوتگ انت۔ چوشکہ ’’سُرکلیانئے‘‘ سئے داستان انت۔ سُر’’ایمنئے‘‘ ہشت داستان انت او سُر’’سسّی‘‘ئے تہا یازدہ داستان، دہ’’وائی‘‘او ’’ابیات‘‘ ہوارانت۔ داستان پہ باب ئے بزانتاانت او ایش کجام یک ویل و واکیہ و زندئے چناہیں پہناتے بابتابنت ایں۔ شاہئے شعرانی دراہیں سُر راگ و زیملیت ئے جہگیریری نہ کننت او چیزے انچیں سُرہم استیں کہ آہانی سیادی گوں راگ و زیملانیست۔ چوشکہ ’’سُررام کلی‘‘ ، ’’سُر کھاہوڑی‘‘،’’سُرپورب‘‘۔، ’’سُرساھونڈری‘‘، ’’سُرڈھر‘‘ او دگرانی سیادی گوں راگ و زیملانیست۔
او ایشانی سیادی گوں بیان کرتگیں بنگپاانت۔ہمے پیما ’’سُرسسی‘‘ ۔’’سُرماروی‘‘، ’’سُر لیلا‘‘ چیزے مہرانکی داستان انت۔ہمک سُرئے گُڈسرا’’وائی‘‘او ’’بیت‘‘ انت کہ ایشانی تہا شاہ مدام کسّہ ئے خلاصہ یا سبکا دست گپت۔
شاہ عبدالطیف بھٹائی ئے شاعری او سپاہئے بابتاگوستگیں دوسدسالاں ہمنکس بازنویسگ بوتگ کہ ایشی ئے درور گندگ نئیت۔ اگں ما آنہی سرا ہمے نبشتگیں نبشتانک و کتاباں چے کہ گوستگیں کرناشنگ بوتگ تہنا یک یک ردے ہم بزیریں تہ پرایشیا یک زنڈیں و سرجمیں کتابےءِ لوٹ بیت ایں۔ چرے جاورالاپہریز کناناجہلا چیزے گونڈیں او اہمیں حیال پیش کنیں کہ ہمیشانی پُژدرہ شاہئے شعرانی گچینی جوانی یکجاہ بوت کنت۔
شاہاانچیں بنگپانی سرا شاعری کرتگ کہ ایشانی سیادی گوں اُلسی زندا محکم و نزیک ات۔ آنہیادرامدیں بنگپاں چے وتا پہریز ات۔ ہمے وڑا ابن فارس حافظ شیرازی آ وتی ڈیھ ئے لس مردمانی بابتابازیں نکان پیش کنت۔ آنہی شاعری ئے مستریں جوانی ایش انت کہ آنہی ذاتی چمّ دیست ئے آدینک انت۔۔۔شاہئے شاعری ئے مزنیں بہرے وتی ڈیھ ئے آسودگی او وشھالی بابتاانت۔
شاہئے تخیل مزن بُرزو شاہیگان انت اچ شاہاپیش ئے شاعران گیشتر مانگیشیں شاعری کرتگ ات۔ آنہیا وتی بنگپ مزن زیبائی او زیملیتابیان کرتگ انت۔شاہ سندھئے ارواہئے سازگرانت۔
شاہااچ وتی شاعری ئے وسیلگا توامیں د نیاآ را انسانیت ئے سُبک دات و مردماناجوانیں انسان جوڑبوہگ ئے سکین دات۔ نیزگاریں مردم کہ ظلم و جبرئے آماچ اتنت شاہاآہانی پلّہ مرزی کرت۔آحدائے وحدانیت شوہاز کارات۔ راستی ئے شوہاز حدائی مہرآنہی رہبند ات۔ شاہئے رسالہ یک انچیں باگے کہ ایشی تہا جتائیں رنگ و بوہ ئے پُلّ رُستگ انت۔ آنہی شاعریاحافظ و سعدی ئے توار ہم ہورانت او رومی وعطارئے فلسفہ ہم۔ انسانی قدرانی سُربُرزی او پُرایمنیں چاگردے جوڑکنگ آنہی شاعری ئے لوٹ انت۔ آچہ سردگرماں وت گوستگ، انسانیت ئے شوہازا جنگل گول اتنت، تپتگیں ریکشان گوازینیتنت، کوہانی دامناداشت، ریکشانئے تپتگیں ریکانی سفرکرت۔ نیزگاری ڈکھ و درد سگّ اتنت ہمے سوب انت کہ آنہی شاعری مہلوک ئے ارواہانزیک انت او آنہی شاعری آسوزو تاثیر مان انت۔آپدردیں انسانیتا دلبڈی دنت آزند کنگ ئے زانتہ ودّینیت او زند کنگاپہ عمل و کردئے سکین دنت۔
شاہ لطیف ئے شعرانی بن ہشت صوفیانہ طرز وڑانت بلے ہمے صوفیانہ طرز وڑا پہ آنہیا اچ ہبدمی کرنئے گُڈّی او ہژدمی کرنئے کُوچگی زندئے سادگ و جذبگی پہناتانی گوناپا کمک زُرتگ اوآعہد ئے زندئے زاہری وباطنی و ربیتّی ہمنکس پہنات اتنت درستانی سرا نگاہ ایرکناناوتی سوتانی گوناپ کشّی کرت۔ ہمیشکہ آنہی حیال وَ سرجماصوفیانہ انت بلے اے صوفیانہ حیالانی تہا تصوف ئے بے رنگی و بے تامی ئے بدلا زیباو تازگ و گواچنی عشق ئے سرمستی و ہنوشی گندگ کیت۔ آنہی تصوف فلسفہ ئے بدلامہرانکی انت او اے مہر ئے تہا آتوامیں چیز است انت کہ یک مہرانکی داستانے اشکنوکاپہ تاہیرو وشنودی ئے مانزمان بنت۔
شاہ لطیف سندھی دودمانئے چیدگ انت۔آنہی شعرانی تہا سندھئے ارواہ زنزریت ، سندھئے دل درکیت، سندھئے ڈگارئے زبادیں وشبو کیت، شاہا ایدئے ڈیمبر، کوہ، کؤر، شیپ، ڈنگر، جنگل و ہوٹگاں گوں ہمنکس مہرات کہ ہچ یک داستانے چشیں تاکے نہ بیت کہ آنہی تہا سندھئے زندگی ئے ساڑامبیت، گوں ڈگارا جہلیں ہمبستگی بندرا گوں انساناں ستکیں مہرئے درانگاز انت او شاہ لطیف ئے مردم دوستی ئے گواہ انت۔
غلام ربّانی آگروآ جاہے نبشتگ ات کہ ’’سندھی چاگرد ، دودمان و زباناگوستگیں پنچ ہزارسالانی تہا چہ شاہ عبدالطیف بھٹائی آ مستریں انسان و ساچشتکاریں شاعر ودی کرت نکرتگ۔

Check Also

روایت ، ترقی اور ناسٹلجیا  ۔۔۔ ڈاکٹر منیررئیسانی

ماہنامہ سنگت کوئٹہ کے ستمبر 2018 کے شمارے میں محترم وحید زہیر صاحب اور محترم ...

Leave a Reply

Your email address will not be published. Required fields are marked *