Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » شہاب اکرم

شہاب اکرم

من پْریں آسمانے آں؟

من شھر کبرے آکتگ
او زر کْدام بستگیں چراگے آ
وتارا پْلے ئے تہا چو وشبوئے آَ شنگ کتگ
داں رھگوزی مسافریں گلابے بئیت ودم بِکنت !۔
منی تہا
دو درچک
دو ترمپ واب ئے ساھگاَ ماں رستگ اَنت
ایشانی شاہ شپاتھاریانی تاک پِر کن اَنت
او روچاگار بنت ندارگانی دیدگاں
منی نْوں دست وچمّ
شپ ئے وڈا وتی پہ چارگ ئے زہیر اتلوسنت
تھاری آ مِرنت
پہ زَرّیں کوہ ونیلگیں دگاں
من گوات ئے پجّی آ
روان باں
داں شاہ تھاریانی تاکاں یل کن اَنت
اوروشنائیں پْلّ پِر کن اَنت
من پَتّ نیاں زمین ئے روتگاں
من درچکے آں بلئے پہ ساھگاں ،۔
پہ بیدراں
جناوراں
رواناں دھر و میتگاں
شوھاز انوکیں قصہ ئے
منارا مْرگ کیسگاَ
او نود پَلوا
نگاہاں جنگلے ئے مرتگیں چراگ مان ہم
من پْریں آسمان ے آں!
من پْور وکلکشان وماہیکانئے واجہ آں !۔
من وت نزاناں من کئیاں؟
بس ہمینچو سرپداں
منی تہا
دو درچک
دو ترمپ واب ئے ساھگاماں رْستگ اَنت
ایشانی شاہ شپاتھاریانی تاک پِر کن اَنت

بیا اِت منا مْرگے کن اِت ! ۔
ھورکیں پیالہ ئے تہا
نارگااِنت ،درچکے ئے اَرواہ گشئے
پَتّ نہ بیت مْرگے کہ بِہ ترھیت
۔۔۔۔۔۔۔درچک ئے تاکانی بدن
ھشک وویرانیں تمن
سھتے گواتے نَہ کَشّیت،
دانکہ ، دازانی مسکیں بالادئے کَھچر
۔۔۔۔۔
بھارا بِہ گندیت ،
گِپتہ ڈکالاانچو ،
کہ درچک ئے چوتار وھاتونیں شَاہ کپتگ اَنت
ھوٹلے آزپتیں چاہئے گْلمبے ئے پد ئے جیڑہ ہمیش اَت؛
من خْماراں،
تہلیں امروز ئے باب ئے در اَ
کسّے گواھی نہ کنت
بلکیں پیراں پمشیکہ کسے چکّے نہ جنت !۔
من کہ میرانیں عہد ئے چراگے اَتوں،
چم ئے قندیل ئے وٹ ئے سفر ،
زردیں دست ئے لکیرانی راہ ئے نپر،
بیا کْج ئے ھمسفر؟
نْوں من زاناں کہ اْمر ئے گْلاب اوں منی
گیمران اَنت مَرگ ئے بیماوتی
کسے باید منا
بئیت اِنت تہلیں اِے امروز ئے باب ئے درا ھورکیں پیالہ ئے تہا
گاریں مْرگے ئے ڈیلّ آبدنت
من رواں ، درچک ئے ارواہ ئے تہا
ننداں چوتار و ھَاتونیں شاہ ئے سرا
دستاگواتئے گراں
درچک ئے گوما مِراں! ! !۔

Check Also

شہناز شبیر 

اَدھورا پن (روز گل کے نام) چھوٹی سی اس دنیا میں اِ ک میں اور ...

Leave a Reply

Your email address will not be published. Required fields are marked *