Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » اِنتر نیشنال  ۔۔۔۔ یوجین / نجم حسین سید

اِنتر نیشنال  ۔۔۔۔ یوجین / نجم حسین سید

جاگو بُھکھ دِیو بندِ یوانو
جاگو جگ دیودُکھیؤ
ڈھول نیاں دے آج سِراں تے گجے نیں
نوِیں جُون دے رنگ نویں اج بجّھے نیں
کُوڑیاں رِیتاں دیاں پھاہِیاں اساں وڈِھیاں
جاگو تُرٹ گئیاں اج بیڑیاں
کُجھ نہ ہاسے، سبھ کُجھ تِھیسُوں
دھرتی دی نِینہہ نوِیں بنیسُوں
اج اساڈا جنگ اخیری
مورچہ کوئی چھڈ کے نہ جاوے
اِنتر نیشنال ، سانجھ خُدائی
نہیں لوڑِیندے سانوں کُرسیاں والے
اُپروں حُکم چلاون ہارے
کیوں اساں تکیئے ایہناں دی مرضی
رَل کے سبھ کم آپ مُکائیے
چوراں توں لُٹ کَھسّن کارن
روح دی پھاہی وڈھن کارن
اپنی ڈیوٹی آپے لائیے
آپے لائیے توڑ نِبھائیے
اج اساڈا جنگ اخیری
مورچہ کوئی چھڈ کے نہ جاوے
اِنتر نیشنال ، سانجھ خُدائی
مِل مزدور تے ہالی کامے
اِک تِھیے اساں محنت نامے
بھوئیں اساڈی کرنہاراں دی
ویہلٹرکیوں پلسیٹے مارن
رَت اساڈی ایہناں دی چربی
گِرجاں بن اسمان سنّبھارن
اج ایہہ گِرجاں انّبروں ڈھائیے
دینہہ دے مُکھ توں کا لکھ لاہیئے
اج اساڈا جنگ اخیری
مورچہ کوئی چھڈ کے نہ جاوے
اِنتر نیشنال ، سانجھ خُدائی

Check Also

شہناز شبیر 

اَدھورا پن (روز گل کے نام) چھوٹی سی اس دنیا میں اِ ک میں اور ...

Leave a Reply

Your email address will not be published. Required fields are marked *