Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » قصہ » پوہیں ناپوہ ۔۔۔ کلثوم بگٹی

پوہیں ناپوہ ۔۔۔ کلثوم بگٹی

پہوالانی شنزار, مالانی ٹلو آنی وشیں آواز۔۔۔ شہے شہے۔۔ٹنگ ٹنگ۔۔۔
منی چم گیست سالا رند مرشی صحو ا بانگو بانگا کھلنت۔ گوش اکھر سالا رندا ہمے وشیں آوازاں اشکونغئے ثنت۔ دل نہ گوشغیں کہ ہمے آواز کھٹاں نہ کہ بانگو آنی بانگ آہنجاماں۔۔۔
اکہر سالا رندا وثی وطن او وثی وطن اکھیراں ذرتغاں۔ درانڈیھا گوازنتغیں ہمے گیست سالا من یک روشے دے وثی مڑدم یاد نیاتکغاں۔ اگہ یاد آتکغاں دے منا ژندیں پیروانڑ و پاذ شواذیں مڑدم یک بیکاریں واہو شہ گرانتری آ تڑسنتیش۔ منی دلا یک روشے دے نہ گوشتا کہ وثی وطنابیایاں۔۔
مرشی منا ماناغیں کہ ماں باز ذہیراں۔ منی چم وثی آپولغایاں۔
منی دل سک تنی ایں۔ منی چم ورسری آانڑز باں۔۔
من گیست سالا رندا بلوچستانا آ تکغاں۔ من تہ نی ڈیھ ئے دگاں دے پوہ نواں۔ زاں کہ منا نی وثی ماث دہ پجاہ نیاری۔ منی پث 2008 آ گار بیثا۔ کسے گشی آں سرکار خلافارسترانی ہاوی بیثا۔ کسے گشی کہ مال گوآ لی اے درنگیا پرثہ۔ بلے ہر شئے کہ بیثا ہماں روش داں مرشی منی پث وثی پاذاں گاریں۔
مرشی مئیں دل گوشغیں کہ مں وثی ماثا چماں گنداں۔ آنہی آ بھانکر کھنا ں چک ڈولا گرے آں۔ ہا مں گوئستغیں گیست سالا یک روشے آ دے وثی ماس گیرنیاڑتہ۔ مرشی منی دل عجب زہیراں گپتہ۔
مئیں سنگتی نی منی سمبھالوا دہ یاذدہاں کھنا۔ ہاو دے چما نیستں۔ مئیں چک دے اے مہلا وہاو بنت کہ ہماں گوں ٹوکی بیثے ناں۔
دل ئے گوشتناں مں شہ کو ٹوادر کفاں روش آسان پلوا سر گراں۔ پیشترائیا ہمے دیما یک زالے وثی مالاں ہرکارغئے۔ مں دے ہما رنداں جناں۔
اگھر سالا رندا مں کہ وثی ڈیھ گیرارا تہ صحو مالا منی ماث وثی میشولانی میشنغا رندا منا پہ منتاں سکول دیم داثئثی۔ مں سہ گھنٹہ سکول پرشتغیں بھت گوں ہنگرا نشک کث,داں کہ استاد میاختیں۔
حیرتیں گیست سالا رندا دے اے ڈیھ ہما ں ڈولا بریں۔۔۔ تامنت شہر۔ تاماں ہما ڈولپمنٹ مزنیں اشتہار۔ نی نزاناں نواں کہ مں پوہ نیاں امبرا زمیں چنڈ ے بیثہ کہ لوڑیا ڈیھ تہمالثہ۔
اناں۔اناں۔۔لوڑھ تھاں وٹا ژہ آتکہ منی ڈیھا دریا تہ نے۔ منا یادیں کہ مئیں ماثا دیر پندھاشہ گڈھانی لڈو کاڑتاں۔ ذائیفانی گٹغ آفانی پندھا ریش کثغاں۔
من تہ اش کثغا کہ کورانی سرا مزائیں ڈیم بستغنتش۔ ڈیھ ئے ڈکالی شتہ۔ ڈیھ و ڈغار ئے لنگڑ مڑتہ۔ گڈ مرشی چے آ منا ہچی گندغا نیاغیں۔ بل دل ہمے پیچرایا۔ بیا کہ مرشی ماثئے گندغا جزوں۔ من یہ برا سوچرا دگاں گار بیثغاں تہ گڈ رسترانی ہاوی باں۔ توکلئے بنداں، و ڈیھ گنداں،دگ گو وثی اولی نشکاں سہرایاں۔ ہر شئے وثی ہندیں۔ بس اے ڈیھ ئے شئے اے گارا ،تہ ہما مناں۔
نی کہ میں ہلکاں نی بنا کھایاں۔ یک نوک سیریں جنے بزے دوشغے۔ شیرے چوڑانی چڑ چڑ چنگ آواز کم نیا۔ ہنی رختغیں دستاں منا امل ماہیں یاد داثہ۔ہما سومری کہ میں سیری ہماہا اشتو داثا۔
ہیف منی مکاریں دل چالاں۔ مں گو مرشی ہلکی چکھی آں۔ یک روشے نہ گیرآڑتوں کہ سیر ڈری آ اشتغیں جنے اژمنا پذا چھے حال بیثا۔
گڑد او دل ۔نوا کسے دوباروا شوہازاں جنئے۔ نواں کے امل آ دل داشتا۔ پہ چے آ کسے دڑداں ریش کھنے۔
ماں دے پاذ پذا کھنزتغاں کہ نوک سیریں جناگوانک جثہ۔ بیائے کہ سرکاری بندغ آختغاں۔ ہمے اش کثؤ مں پاذ گنھارو کھراں۔ لوغاں شہ چک و ذالانی رڑ و روڑ بیثا۔
” مں سرکار کاراش چی نیاتکاغاں۔ مں مسافرے آں”
اکھراں یک پیرزالے شہ وثی پرتشغیں کوہ واڑ ا درکفی ۔ گوشی بشکا کھنئے مئے لوغا نریں نیستیں شوا ہمے ہندا نندے تہ ما شوئے پارا آفاو چانہیے کاراں۔
مں سغر رنگینتو ہما ہلکانی بنا ہاخانی سرا نشتو بیثغاں۔
دلاہزاریں سوچ کایاں۔ اے چک پہ چے آ تڑسثی آں؟۔ اے سرکاری آفسر چے کارا کھایاں؟۔ اے دراہیں ہلک نریں تانگو شزغاں؟
ہمکراں نکھو گو شیر تاسا آتکا۔ ” صاحو شوا پردیسی مڑدم ات۔ شیراں ور گڈہ ایذا جلدی درکف”
ہاؤ۔۔۔مں سغر لڈیں تھا۔ دل بست نہ کثؤں کہ پھولا کھنانی۔ راست کہ پرائی گیواں کئے کفی۔ منا دے مرشی بانگھا ایذاش روغی بی۔
“ماث اشکن۔۔۔ ایدا دودا نامی مڑدے لوغا؟ شوا سئیے نِیں تھا ہندا ینت؟”
دودا۔۔۔؟ مئے اے مہترادودا کس نیستیں.دودا نامیں مڑدے دیری ایں سالا وثی پھاذاں گار بیثغاں۔ سما نئیں شوا کھئیا پھولئے؟
ہاں ہاں ہما دودا۔۔۔
دودا ئے پیریں ذالے اث ؟ گنج خاتون؟
او ورنا دودا لوغا لڈثہ۔
ہمم
دودا بچ دے وثی پھاراں گار بیثا۔ شہراشتغا۔ پڑھثغیں مڑدمیا۔ اللہ سمائیں چئے بیثا گڑتو نیا تکہ
ماث مائی گنج خاتو۔۔۔؟؟؟
ابا گنج خاتو دو سال پیشا مڑتہ۔ گریو بچ موتا دے ناسا نڑی بیثا۔
مئیں دلا یک دمے آسے بلثہ۔ چم چو تہار بیثغاں۔ “چئے بیثئی؟”
ادا گنج خاتو شہ چما سجلیں سالاں کھور بیثغا۔ کس نیا گریوئغ۔ یک نشارا نکھو گیھلنت۔ ابا اے رنگیں اولادا شہ نیستی جوانیں۔
نشار تھا ہندینی؟
ہمیذئیں دودا باھنڑا کپتی ایں۔ حدا شلا بیواژہ کسا مخاں۔
ہممممم
چو ماناغیں مرشی مئیں سرین پرشتا۔ مں وثی دستاں وثی لوغ سوتکا۔ مں وثی ماث وث کشتا۔ اوہ مئیں بے بختیں بابا جنک مں آنہی نسیو گار کھذا۔
مئیں ذال فون پیذغیں۔ افف اے چھئے بیغیں۔
ماں دانی ہما ہندیثاں کہ لیویز گاڑیاں گھڑکو کثا۔ زال و چکانی رڑو روڑ بیثا۔ یک گاڑی اے مئیں نزیکا اتکا۔ “صاحو شوا ایذائے من شوار پھو لغئے ثاں”
ہاؤ۔ کل حیریں؟
” ہا صاحو۔ شوا کہ ہما کارا آتکغئے۔ ہما بیئغیں”
چھئے گشغائے؟
شوئے درملک کمپنی آ وثی نوخیں پراجیکٹ پارا ڈگار کارئیں۔ اے بحوشیں مڑدم نہ سمجھگاں۔ زی دے لیویز ا چی اے گپتو جیلا ماں کھذا۔ چئیے پھدا سو گاریں”۔
ہمممم
ایدا کہ ترقیاتی کارانی اعلان بیثغا؟
آنہی آسغر رنگینتو گوئشتہ
“ہا اے ناپوہیں گنوخ ترقی نیلوخنت”

پچھلی ای میل میں ایک سفرانچہ دوبار بجھوا دیا گیا۔۔۔۔۔سسی کے شہر والا۔

Check Also

جمعہ سیٹی والا ۔۔۔ محمد وسیم شاہد

ڈھاڈر شہر پورے بلوچستان میں اپنے سرسبز کھیتوں سایہ دار درختوں اور بہتی ندیوں کی ...

Leave a Reply

Your email address will not be published. Required fields are marked *