Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » پوھوزانت » بگّاں بگّاں ھینژلو ۔۔۔ عبداللہ شوہاز

بگّاں بگّاں ھینژلو ۔۔۔ عبداللہ شوہاز

پہ اے لیبا الّم انت کہ شپ ماہکان بہ بیت او ماہ بہ جڑکّ ایت اوُ شپ گرماگ بہ بیت۔ اے لیبا کسانیں بچکّ و جنک اواری آ کن انت ۔ درستاں پیسر دو مردم گچین کنگ بنت کہ یکے گرک بیت او یکے پہوال۔ ایندگہ دراہیں لیبی پس بنت۔ گرک رؤت کمّو دِیرنندیت اوپہوال پساں چارینگ ئے ڈولا یلہ دنت او درائیں لیبی پس ئے ڈولا جہل بنت او انچو پیشدار نت کہ چرگا انت ۔
کسانیں مدّتے گزیت پہوال گشیت ’’بگّاں بگّاں ھینژلو ، ماراں ماراں زومّلو‘‘۔ پہوال کہ اے ٹوکہ کنت درائیں پس تچان تچانا دیم پہ گرکا رؤانت ۔ گرک ئے کرّ و گررں پس مچّ بنت۔ نوں پہوال چار یت کہ منی پس گار نت ۔پہوال وتی پسانی پد و پوجما بندات کنت ۔ روان روانا دانکہ گرک ئے گور ا رؤت بلئے شوانگ کور انت نہ پساں گند یت و نہ کہ گرکا ۔انچو کہ پاد برمشااشکنت جست ئےِ کنت،، منی پسے گار انت تو نہ دیستگ ؟‘‘۔ گرک گش ایت شونزینے ؟شوانگ گش ایت ھؤ ۔ گڈا گرک یک دیمے آاشارہ کنت و گش ایت کہ اے پلواشتگ ۔شوانگ میم وَ نہ کنت بلئے ہما پلواروان کنت ۔ انچو کہ کمّو راہ رؤت گرک ئےِ چہ پشتی نیمگا توار کنت ، نہ روئے کہ اے راہ ئے سر امارے وپتگ۔پدا پہوال بیرہ کنت و پدا کئیت پدا جست ئےِ کنت ، گرک جست کنت کہ سبزینے بوتگ ؟۔پہوال گش ایت ، ھؤ ۔ (ہمے ڈولابرے یک رنگے ناماگیپت بلے دوہمی ئے) گرک پدا گشیت اینگو شتگ ، شوانگ پدا ہمے دیمہ رؤت گرک گش ایت نے رؤے کہ اے راہ ئے سر ا زومّے وپتگ۔
ہمے وڑ اگرک شوانگا برے یک دیمے آ راہ دنت و پدا بیرہ یے دنت۔ گڈّی آگرک گشیت کہ ’’بگّاں بگّاں ھینژلو ، ماراں ماراں زومّلو‘‘گوں ہمے گپّا درائیں پس (لیبی )پہ وت و دیم تچان بنت او پلینگان بنت۔ پدا پہوالا گوئر رؤانت۔

Check Also

یوسف مگسی ہمہ جہت شخصیت  ۔۔۔ محمد رفیق مغیری

یوسف عزیز مگسی صاحب نہ صرف بیسویں صدی کا بڑا رہنما تھا بلکہ وہ صدیوں ...

Leave a Reply

Your email address will not be published. Required fields are marked *