Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » ھمبوئیں سلام » عبدالوحید عاقب

عبدالوحید عاقب

شاہ محمد مری صاحب
السلام و علیکم!۔
مرچی منی موضوع اِیں ’’غم ئے انڑس‘‘۔ غم ئے ارس ، شادمانی ئے ارس و کوش ئے ارس یاکہ سفر ئے ارس۔ ارس دل ئے باریں کجاھنداِنت بلے ، دل ئے آپ اِنت ۔وشی آ غمانی اَرس بہ بنت ارس دلا چے درکایاں و دیدگانی دریگانی کانچانی جہلی شما درکایاں پورئیں دیدگاں ششت و شودکنت ۔ہمے ساھتا چہر ئے رنگ بدل بیت ۔ چیزے زانت کار و شاعراں وتی کتابانی یاکہ شعر ئے سرحال کتگ اَنت: ’’ کوش ئے ارس ، ارس ئے بچکند ، ارس ئے ہار، ارس ئے خوشبو ، ترونگلیں ارس ، جیگ ئے ارس، آسو پیماز ئے ارس، عشق ئے ارس ، جنک ئے ارس ، بچک ئے ارس، اَرسانی دیار، باز و کم ارسانی کسہ و داستان اَست اِنت۔ انسان غمانی توکا بیت آ دیدگاں غم ئے ارساں شل اِیت ۔ وہدئے وشی و شادمانی توکابیت شادمانی ئے ارس رچاں وہدکے دیدگاں درکایاں انار کانی و یگ تاں دل بند و سینہ آ سر بنت اِنت ۔ جان شو دکناں وشی یے دہ و پانزدہ ترنپا چے گیشتر نہ بنت ۔
ارس یک بلائیں کوہ ئے ارزشتے داریت ہم ، اَرس توپک و زہم ہم بیت اِنت۔ اَرس بانور ئے وشبوئیں دامن ئے دعا و واھگ ہم بیت کنت۔ تویک مردمے واست کسانیں کاریے کنے آہمے گشیت ، کوریں چماں پٹے ارس بازرات یعنی اَرس ئے بود و کمال و قیمت سک بازاِنت۔
اَگاں چماں اَرس مہ بیت یاکہ جنگلا آپ و کاہ مہ بیت جنگل دِہ ھشک بیت اِنت۔ آ دلا کہ عشق مہ بیت آ چم کوری آ دیر نہ کناں۔ عشق کسہ و داستان ئے وانگ وشاں بلے عشق ئے جتائی سک گران اِنت۔ شاعر بس کنگ ئے ڈولا نہ اِنت۔
میری آنکھ نے دیکھا آنسوؤں کو بھی روتے
کپکپاتے ہونٹوں نے بے بسی کو دیکھا ہے
اِے راستے اِے شہر ا بازارانی توکا دوست و دزگہارانی عزت و اِحترام نیست اِنت ۔ہر کس وتاراوت سنبھال اِت بکنت عزت و غیرت و ایمان و بلے مرچی زاہ و بد و بدکلامی سر عام اِنت ۔بائید اماوتی گہارانی، براتانی و دوستانی و جند ئے واستا دیاو پریات بکنیں ھمازات مئے حفاظت آ زلور کنت اِنت مئے بلوچی شاعر بلال دشتی گشیت۔
مات ئے ارس بندنباں
بچ ئے جون پیدا کیں
مات وتئی چک ئے غماں ہر روچ تلوسیت ارس ریچیت پدا کہ نااُمیت بہ بیت گڈ ا آنہی ارس دل ئے درائیں قلاتاں ڈرینیت اِداھم شاعر گشیت ۔
من پہ تی واستہ بلالؔ
ارس اوں وتی شل داتگاں
شاعر وتی دوست خاطرا باریں چے چے نہ کت بلے دوست بے وفا بہ بیت شاعر ئے چمانی ارس یے ھچ کارنہ دیئیاں ۔ استاد و بزرگیں شاعر وتی دوستاچے گشگ اِیں۔
چماں ارسے بہ رچیت پُلے بیت
زرد ا آہے بہ سرپیت پُلے بیت
ہر شاعر یاکہ ھما عاشق وتی دوستا پہ ارس ریچگا و گریوگا دیست نہ کنت انچوکہ مرید ا پہ حانی و مست توکلی آ سمو،عاشق ھمابوتگاں گوں وتی دوستاں بے وفائی ئے نہ کتگ ۔پہ آنہی واستا جان ئے کربان کتگ ، دوستے غم ئے کورچاں کپگا نہ شتگ اَنت بزگانی و بے وسانی اَرس شپ ئے تہاری آنی توکا ھداوند ئے دیما ریچگ بنت اِے غم ئے ارس اَنت و مرض و پریاتے کناں آوانی عرض قبول کنگ بیت اِنت۔

والسلام

شمے کستر:۔
عبدالوحید عاقب

Check Also

عاقب۔ رزاق شاہد

شاہ محمد مری صاحب مدام سلامت باتے السلام وعلیکم !۔ ’’سنگت ئے مطالعہ لوٹیت پدا‘‘ ...

Leave a Reply

Your email address will not be published. Required fields are marked *