Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » نوشین قمبرانی

نوشین قمبرانی

میں تمہیں نہ ملوں
یہاں تک کہ تم میرا چہرہ بھول جاو
میں تمہیں ملوں پھر سے
اْسی طرح
گم ہوچکی ہوئی

تم مجھے پھر سے پہلی بار دیکھو
اور نہ پہچانو
تم وہ نظم پھر سے کہو
اور تمہیں اپنی گذشتہ کوئی بھی کیفیت یاد نہ آئے

تم مجھے کھونے کے ڈر سے لرزنے لگو
اور میں تمھاری ہونے سے خوفزدہ ہوجاوں

مگر ایک ہی پل کا شور کرتا فاصلہ طے کرنے کے بعد
میں تمھاری اکتاہٹ کی آنکھوں میں ریت ڈالنے کا سوچ کر مسکرانے لگوں

جب ریت کے ڈھیر سے مْٹھی بھروں
تو تمھاری آنکھیں بند ہوچکی ہوں
مْٹھی سے ریت اڑنے لگے
اور میں تمہیں وہیں چھوڑ کر
شمالی ہوا کے ساتھ ساتھ چل پڑوں
وہ آخری صحرا ہوگا زمین پہ جہاں میری مْٹھی ریت سے خالی ہوگی
…اور تم اکتاہٹ سے

Check Also

ایک آواز ہے ۔۔۔ گلناز کوثر

کیا کہوں۔۔۔ایک آواز ہے بھیگے پتوں پہ بارش کی بوندیں بجاتی۔۔۔ بہت کھنکھناتی ہوئی۔۔۔ ایک ...

Leave a Reply

Your email address will not be published. Required fields are marked *