Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » روشنی ۔۔۔۔ بحرالحیاء رحمان

روشنی ۔۔۔۔ بحرالحیاء رحمان

میری آنکھوں میں
پچھلی رات کے
ٹوٹے ہوئے خوابوں کی
کرچیاں چُبھ رہی ہیں
اور میری آنکھیں خون سی رِس رہی ہیں
میں ان خون آلود خوابوں کو
پونچھوں تو
کئی نیندیں میری آنکھوں میں
آنسوؤں کا جال بُنتی ہیں
میری آنکھیں ہزاروں خواب بُن کر
انھی خوابوں کو
ہزاروں بھیگتی بارش میں
بھیگا دیکھتی ہیں
میں کیا دیکھوں ؟
کہ میری آنکھیں تو کب کی
درد بن کر رہ گئی ہیں
اور اس درد کی شدت سے اکثر
چیخ اٹھتی ہوں
یہ کیسے خواب ہیں کہ جن سے
اکثر چیخیں ہی اٹھتی ہیں
میرا دم گھٹ رہا ہے
میں اٹھتی ہوں کہ
کمرے کی کھڑکی کھولوں
کئی ساعتیں بیتتی ہیں
میری نیندیں اور
میرے خواب
دھند میں لپٹ گئے ہیں
میں کچھ بھی کہہ نہیں پاتی
بس
بہت ہی دور سے آتی ہوئی اک روشنی کو دیکھ لیتی ہوں
اور اس لمحے میری آنکھیں مسکرا دیتی ہیں!

Check Also

چوتھا دن ۔۔۔ قندیل بدر

ابھی کچھ کام باقی ہے ابھی سورج پہ پہلا پاؤں رکھنا ہے فلک کا ریشمی ...

Leave a Reply

Your email address will not be published. Required fields are marked *