View Eye-s’ Birds

انجیل صحیفہ

ہم مصر کے اہراموں میں پہلی بار ملے تھے
میری پوریں تمہارے چہرے پر رنگ بکھیر رہی تھیں
اور تمہاری آنکھیں
میرے ہونٹوں کی پراسرار مسکراہٹ پر کچھ اورحیرت!
دو عجیب لوگوں کو
عجائبات کی اس وسیع دنیا میں
اپنے سانس لینے پر کوئی تعجب نہیں تھا
ناروے کی زندہ راتوں میں اگنے والا سورج
تمہاری ہتھیلی پر غروب ہوا
تو پورن ماشی کہ پہلی رات میری آنکھوں میں
جاگ اٹھی!
ایتھنز کی سفید عمارتوں سے روشن وجود پر
کوئی احساس منگولیا کے شدید نیلے آسمان جیسا تھا
لیبیا کے صحراؤں سے سانس کے ذرے چنتے وقت
گھنٹہ گھروں کی بازگشت نے بتایا
کہ انٹارک ٹکا کا گلیشئر پگھلنے لگا ہے!
گرم سانسوں میں بہنے کا ٹھنڈا احساس
نیاگرہ فال کی بوندوں میں
دشتِ لوت کینمک گھلنے جیسا تھا۔۔۔!