Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » غزل ۔۔۔ اسامہ امیر 

غزل ۔۔۔ اسامہ امیر 

درختوں پر لکھی ہوئی نظمیں
پہلی بارش سے بہ آسانی دھوئی جا سکتی ہے

برہنہ آدمی گفت گو کرتے ہوئے
اپنی زبان کو پوشاک پہنا دینے میں ماہر ہے
اور بہت احتیاط سے
زبان کو چھری بنا دینے میں

بارش ہونے سے پہلے
میں نے اپنے ارد گرد
تمہارے جسم کے غبار سے ڈھال بنا لی ہے
اب کے سال
مجھے بارش سے کوئی خطرہ نہیں

میں نہیں جانتا
تمہارے سینے میں چھپی محبت
کس شاعر کے لئے ہے
مگر چھری پر جما ہوا خون بتا سکتا ہے

آدمی کی پشین گوئیاں ٹھیک ہوجاتی ہیں
میں بھی ایک شاعر ہوں
اور میرے دل میں چھپی محبت
کوہساروں کے پیچھے چھپی ہوئی لڑکی سے ہے
جسے کپڑے دھونے والی کمپنی نے
کام پر رکھ لیا ہے

Check Also

ٹکڑیاں (چھوٹی نظمیں) ۔۔۔۔۔ تمثیل حفصہ

۔1۔کشتی جل جاؤ۔۔۔۔۔ جاؤ۔۔۔۔۔۔ چاند کے پار۔۔۔۔ اک ندیا بہتے پانی کی۔۔۔۔ نیند کی لوری ...

Leave a Reply

Your email address will not be published. Required fields are marked *