Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » پوھوزانت » دادئے روچ ئے ساہگ ۔۔۔عبداللہ شوہاز

دادئے روچ ئے ساہگ ۔۔۔عبداللہ شوہاز

دادؔ مادینا نہ پہم اِت غم نہ اِنت
بس ہمے گنج اِنت وتا پجّار اِتہ

بنی آدم ہما وھدے وتی چاگرد اجوانیں کردے پیش داشت کنت کہ وتی جندابہ شوہازیت وپجّابیارایت ۔ سرجمیں دنیائے تہا نودونہہ درسد مردم وتی جندا پجّارت نہ کن اَنت ۔ ہمے سبب اِنت کہ گیشتر مرومانی زند پہ ادو ہو دئے دست جنگا گوزیت بلئے آیان سمانہ بیت کہ آہانی اندرا کجام سنچ موجود اِنت کہ آں گوناپ دئیگی و دیما آر گی اِنت۔بہ لس مردما مشکل تریں کار ہمشیں۔ تہنا پہ لس مردمانہ بلکیں مئے گیشتریں پہ نامیں وانندہ ہم ہمے نادرا ہی ئے ارجان اَنت ۔ دومی مئے چاگردی راہ ورہبند و تعلیمی نظام ہم اینچو مہکم نہ اَنت کہ ہر زھگے آ آنہی سنچ ئے شناساکت بہ کنائین اَنت ۔ قضا یک یک مردمے چہ وھدئے تاڑو تیلانکاں کیان وپرشانا گڈی آ ہما منزلاسربیت کہ آسماکنت من چے کت کناں ومن کجام سنچ وبُودئے واھنداں۔ ہمے پیمیں یک شخصیتے علی جان داد اِنت کہ زمانگ ئے دنز ومجان اندیم اِنت۔ وھدئے تیلا نکانی دیمپانی کیان و پرشانا سر پہ درانڈیھی آدر آؤر تگ ، بلئے پہ پہر گشی کہ پہ من ہمے گنج اِنت کہ من وتا پجّاآؤرتگ۔
دادچونامنی وتی ھندئے مردمے۔ہمے واستامنا باز دوست اِنت بلئے راست بہ گشان تہ ہر وھدے کہ داد ئے شاعری واناں منا انچو سمابیت گشے منی خیالاں داد وتی زُبانا ودرشانگااِنت۔
یک روچے وتی کہنیں نکانانی مچ کنگ ئے حاترامن درائیں کہنیں کتابانی الماری آپیشکوندگا اِتاں کہ اناگتاعلی جان داد ئے شعرانی دومی دپتر ’’ روچ ئے ساہگ ‘‘ آچم کپت انت۔ مناہماروچ یا داتک کہ اپریل2013آ اناگتایکروچے منا سنگتئے آحال دات گت کہ علی جان دادئےؔ شعرانی دومی دپتر شنگ بوتگ۔ منی بے تاھیری گشئے رو چ پہ روچ ودان بوت ، بلیدہ آد ست نہ کپت من دروئی در تربتاپہ داد ے کتاب ئے گرگا شُتاں۔انچون گپت ویکیں شپاسراتا پاد ونت ووتی تن ئے سرپروشت ۔ہمار و چاد لا گشت چیزئے بہ نویساں بلئے وھدئے دزگنی وپدا داد ئے شاعری بالا دئے شنگینگ مسکرائیں کارے نہ اِنت۔ ہمے حاترا دلوں زُرت نہ کُت۔
روچ ئے ساھگ داد ئے شعرانی دومی دپتراِنت کہ مارچ 2013آچہ سچکان پبلی کیشنز گوادرئے نیمگا چھاپ وشنگ بوتگ ۔ اے 128تاکدیم اِنت واِشی تہاکلّی 61شعر ہوار اَنت کہ اشانی تہا آزادنظم ، گیدی رنگ ، یک زہیرونکے ، کڑدے چاربندو برے غزل ہوار اَنت ۔کتاب ئے نامدات چونبشتہ اِنت،
تئی ناما۔۔
من اے گپّ آدردنیاں کہ
من دوزہ ئے آساسُچاں
بلئے ہو
اے ہبر اجیڑاں تہ پریشان باں
کہ تراجنتاؔ پہ من زہیر کنت
چہ بُرزئے دوئیں دانکاں کیاس کنگ بیت کہ د ادئے فکری بالا چینچو بلند اِنت۔ آں چوں فلسفیانہ انداز اوتی لاچاری وبزّگی آدر شانگا سوبین بوتگ۔ آجوان سرپدیں کہ زندئے راستیں لیکہ چہ ماچنچو چیر دئیگ بوتگ و زمانگ ئے اسفیث پوشیں سود اگراں پہ ماچینچو جاہ اِشتگ وکجام پورانی سرا نشتگ ندارہ کنگا اَنت۔
دادؔ وتی حیال ومارشتانی درانگازیاوتگڑیں گال وچاگردی پابندیاں ہجبر مان نیاریت ۔ آں ہرچی سماکنت بنشتہ کنت۔ ہمے آنہی مستریں جوانی اِنت۔ انچوکہ شاعری ئے قلات بے مہری آ ویران اِنت ہمے پیم داد اہم وتی مہرانی قلاتادتکے نندنیتہ وبرے برے گوں آنہیادیم پہ دیم بیت ودل ئے لہڑاں درشان کنت۔
ہر قدم بہ جنزاں اے دل چوترادلا ترکیّت
مارا تئی محبت چو کنٹگے آ پادان اِنت
***
حانی منی اُپّار گانی لذّتا مارمات نہ کنت سنگیں جہاں
حانی اے امبر وزاہمک دیماروئے درست چاکر اَنت
حانی ہمک دمکا صدا کشّنت چنگانی سعید
حاجی ہمک پبژ گا سازین اَنت گوں مکروپندالاں

برے برے داد انچو نندیت جیڑ یت کہ بنی آدم چینچو نادان اِنت مدام وتی جندئے وشنود کنگ ئے حاتراوتا وت دروگیں تسلّہ دنت ۔بلئے آں دلجم اِنت کہ زمانگ ہر کساہمائی کرتنانی شاھیماتوریت ۔ چوکہ۔
ماستکہ دل ہدوک وتی آس ئے لذّت ئے
دوزہ نیسبیں مارا بہشتاکُجا برئے

یاخدابے زہرگ وبے چہرگاں
من وتا گوں تئی نگاہاں چارِتہ
گشنت جوانیں ازمکار ہمااِنت کہ آں چہ مرگا پد ہم مہ مراِیت بلکیں پہ دائمی آنہی ازم بہ مانیت ستم نہ اِنت کہ ہراز مکار وتی باریگانا مداربہ بیت ، بلئے جوائیں ازم کدی گاروبیگواہ نہ بیت۔ داد ہم پہ دلجمی گشیت۔
مروچی بلّے گار وگوراں وھدئے بستگیں مجاں
منارا دادؔ یادکنت منی زمانہ روچے

گوانک جنت دنیامناباندا پشو مانیں دلے
من کہ رپتاں یکبرئے مشکل پدا واتر بباں

داد کہ چہ وتی باتناسرکشّیت آنہیاچاگرد ئے ہمک تک برہنگ گندگاکئیت۔ چاگردئے ہماں رنگ ودروشم کہ گندگا باز ڈولدار و دلکش اَنت بلئے چہ اندرا بدصورت و بدبودارنت۔ آمدام ہمے فگرئے رندگیریاگندگ کئیت کہ درائیں چاگردی خرابیانی ذمہ دار چاگردئے واکدار یں وبظاہر مہذبیں مردم اَنت ۔
داد گوں وتی فلسفیانہ حیال ولیکہاں شاعری ئے ازماہم جوان سرپداِنت ۔دادئے شاعری زیک ومروچیگ ئے یک بندوکیں کڑی یے جوکہ روچ ئے ساھگ ئے تہا آنہی کار مرزکتگیں تلمیحاتاں چہ اے حبردرابیت کہ آچار گالانی تہاچوں وتی عہدی دستانانی شُبینا کار مرزکنت ، پہ درورلہتیں تلمیحات سیل کن اِت۔
حانیؔ ماں میرئے گندالاں
ساکم پہ امبازے بہ بیت
چے پہ محبت زاد گیں
مستیں مریداؔ شت کپیت

بنگ بے ملاراں کہ توکلی مُجاں گاراِنت
نیکہ سمّی یے منتگ نیکہ زندگ اِنت موراں

توماہوئے
کہ عومرئے ہیال اوں حرام اِنت پتوگیدی آ
تو ماہنوئے
کہ شاہ داد ئے شک ئے چنت قیامتاچہ گوستگ ئے
توسمی ئے کہ واب چہ تئی دیدگاں
بل انت نورئے جلوہاں
دگہ بازیں تلحیمات روچ ئے ساہگ ئے تہاجوانیں رنگے آوانوک ئے حیالاں گیدی لبزانک ئے نیمگا ترین اَنت۔چوبہ گشیں ردنہ بئیں کہ استیں اھدا دادئے شاعری بالاد ہروڑ استا کرزیت ۔ داد وتی چاگردئے یک جوائیں عکس کارے۔
گڈّ سرا دادئے روچ ئے ساہگا ہم کمے بہ نندیں۔
بانک دل ئے درواز گا کبلے بہ جن
بانک دوپاس ئے یات پہ توعمرے ئے تاوان بنت

لنگٹری ستکے پہ من وائے منی ہشکیں وتن
کام وناکام اِنت بلئے انگت ڈلگ شامے رسیت

من وتوسرتگیں نانے نیاریں
میاراں مُرتگ اَنت مردم ہمااَنت

پہ تنّ تر مپے ئے بستارا سرنیتکہ زر
کجام کدّہ آہوشام سہڑ اتیں آخر

مر چیگیں شپ ئے سیاہی گوں مئے تالہ آ بستگ
باندا روچ رژ نابیت نورئے رنگ پوشاں من

Check Also

۔1991 کا ہمارا ایک اداریہ

شریعت بل یا ملاّ شاہی جنرل ضیاء کے سینٹ نے نفاذ شریعت کا بل تالیوں ...

Leave a Reply

Your email address will not be published. Required fields are marked *