Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » ایک پرانی رسم ۔۔۔افضل مرادؔ 

ایک پرانی رسم ۔۔۔افضل مرادؔ 

گاؤں کے جوہڑ سے اکیلی
پانی بھرنے جاتی ہوں

آتے جاتے نادیدہ آنکھوں سے
ڈرتی جاتی ہوں

اپنے لرزتے اور الجھتے لہجے سے
اماں اباکو باہر کے وحشت کے سب قصے سناتی ہوں

شک کی بنا پر
تھپڑ گھونسے کھاتی ہوں

بھائی کے غصے سے اس کے سرخی مائل
آنکھوں سے ڈرجاتی ہوں

مشکیزہ رکھ کر پھر جلدی
جنگل سے لکڑی لینے چلی جاتی ہوں

بیگانی ہوجاتی ہوں
جانے کیا ہوجاتاہے

رستوں میں رہ جاتی ہوں
جیسے ایک بہت پرانی جینے کی
اک رسم نبھائے جاتی ہوں

Check Also

نثری نظم ۔۔۔ نور محمد شیخ

خود کو خوش اَسلُوبی کے ساتھ زندہ رکھو جینا بہت اہم جیے جاؤ حصولِ منزل ...

Leave a Reply

Your email address will not be published. Required fields are marked *