Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » غزل ۔۔۔ رضیہ سبحان

غزل ۔۔۔ رضیہ سبحان

مسامِ جاں میں وحشت مانگتی ہے
طبیعت جب محبت مانگتی ہے

بڑی عجلت میں رہتی ہے ہمیشہ
یہ گردش کب سہولت مانگتی ہے

دمِ رخصت جو چھائی ہے کسی کے
خموشی ہم سے قیمت مانگتی ہے

اْٹھا کر عاشقی سر پر قیامت
قیامت در قیامت مانگتی ہے

محبت روگ ہے درویش دل کا
مرا اشکِ ندامت مانگتی ہے

اْٹھا کر طاق پر رکھ دو انا کو
یہی تم سے عبادت مانگتی ہے

بہت آساں نہیں تیری عبادت
ریاضت ہی ریاضت مانگتی ہے

کسی سودے پہ آمادہ نہ ہرگز
محبت جب محبت مانگتی ہے

Check Also

انسان کی موت کے بعد ۔۔۔ نور محمد شیخ

انسان کی موت کے بعد:۔ اُس کی ، ۔ ساری ذمّے داریاں ختم نہ زندگانی ...

Leave a Reply

Your email address will not be published. Required fields are marked *