Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » انجام ۔۔۔ اسامہ امیر

انجام ۔۔۔ اسامہ امیر

دیواروں پر لگی تصویروں میں سیلن آنے سے بہتر ہے
انہیں ملگجے کاغذ میں لپیٹ کر الماری کے اوپر رکھ دیا جائے
اْن شاعری کی کتابوں کے ساتھ
جن میں سوکھے ہوئے گْلاب اپنی سانسیں ہار چکے ہیں
مصوری اور شاعری کا اس لئے بھی گہرا تعلق ہے
یہ ان ہی لوگوں کا کام ہے
جن کی ارواح جھیل سے آئینہ اٹھاتے ہوئے
اپنے ہاتھوں کو زخمی کرنے کے بعد خوش ہیں
(تاکہ یہ مناظر کوئی نہ دیکھ سکے)
ساحل کے کنارے پر لگے سگنل سے لال رنگ کی بتّی
لوگوں کو ادھر آنے سے روک رہی ہے
میں اپنی ریت بھری آنکھوں سے اْس دریا کو پار کرنا چاہتا ہوں
جہاں خواب آنے سے پہلے
آنکھوں کا اندھا ہوجانا اچھا ہے

Check Also

نثری نظم ۔۔۔ نور محمد شیخ

خود کو خوش اَسلُوبی کے ساتھ زندہ رکھو جینا بہت اہم جیے جاؤ حصولِ منزل ...

Leave a Reply

Your email address will not be published. Required fields are marked *