لیلڑی ۔۔۔۔۔۔۔ محمد رفیق مغیری

بیا موسم بہاریں او لیلڑی آ لا
منا تھئی انتطاریں او لیلڑی آ لا
تھئی چے رضائیں او لیلڑی آ لا
جدائی بد بلائیںاو لیلڑی آ لا
تئی دگیں تہا نِغاہیں او لیلڑی آ لا
مئیں چمیں تہا دریائیںاو لیلڑی آ لا
خدازوراخیں بادشاہیں او لیلڑی آ لا
ہمے کوڑی بے بقائیں او لیلڑی آ لا
مئیں حالئے تھرا سمائیں او لیلڑی آ لا
منا ایرنگ نہ آزمائیں او لیلڑی آ لا
مئیں دل تھئی گو صفائیں او لیلڑی آ لا
مئیں مِہر بے بہائیں او لیلڑی آ لا
دنیا ئِ ہزاریں لقائیں او لیلڑی آ لا
دژمن دیم سیاہیں او لیلڑی آ لا
مئیں رفیق کُجائیں او لیلڑی آ لا
آنہی گومئیں ساہیں او لیلڑی آ لا