Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » مشال کے نام  ۔۔۔ انیس ہارون

مشال کے نام  ۔۔۔ انیس ہارون

درسگاہیں بنیں قتل گاہیں
قلم تلوار ہوئے
حکم آیا پھونک دوافکارِتازہ کی روشنی کو
جو ایک جہانِ نوکی نوید دیتی ہے
لرز گئے بام و در دشمن آسماں ہوا
زمین کھینچ لی پاؤں تلے فقیہہ شہر نے
وہ جواں جو ہاتھ میں سورج لئے اترا تھا
نگل لیا اندھیروں نے مبارک سلامت کے شور میں
وہ مذہب جو مظلوموں پہ رحمت بن کرآیا تھا
آج اپنی ہی امت کے ہاتھوں موت کا پروانہ بنا
پتھر اٹھاے پھرتے ہیں ہر گلی کوچے میں دیوانے
کسے نشانہ بنائیں کسے زیر عتاب کریں
جنہیں فخر تھا کبھی کافر کو مسلمان کرنے میں
آج د رپے ہیں ہر مسلماں کو کافر کریں
ردالفساد کا فتوی جاری و ساری ہے
ردِ جہالت سے ہر شخص انکاری ہے
تار تار انسانیت دزیدہ نظروں سے تکتی ہے
کوئی مسیحا کہیں سے آئے یدبیضا لے کر

Check Also

کورا کاغذ! ۔۔۔  امداد حسینی

(“آصف فرخی“ کے لیے)   وہ جو کورا کاغذ میز پر پڑا ہوا ہے اس ...

Leave a Reply

Your email address will not be published. Required fields are marked *