Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » ولادیمیر ایلیچ لینن ۔۔۔ مایا کوفسکی/ شاہ محمد

ولادیمیر ایلیچ لینن ۔۔۔ مایا کوفسکی/ شاہ محمد

دراہیں ماسکو گوۂرا
شتوکُل سِکّلی مستہ
گڑہ دہِ جوش و جذبہ آ
دراہیں ڈغار جسکی ثی۔
زہریں گوۂر
آسہ پلوا
لودھی۔
آں کئے ایں تاں دہی مڑدے ؟
اے کُلیں ہڑادھڑی پرچے ؟
پرچہ ایں قد رعزت
پہ یک مردمی مَوثا؟

شہ یادداشت ئے ہمانی آ
یک یک لوز ئے گیہلینغ
نَیں سیبہ مناں داثاں
اونَیں کہ وش ترا کیثاں
اومنی وا نوخ۔

گڑہ دہِ چنقدر کمیں
گِشین مارڈ کشنری داثاں!
ہماں لفظاں شکوبیاروں
کہ چَٹ مار ا گزرنتاں ؟۔
مزں پاندیں گزراں پہ
گوئرما وخت موجود اَث
ہپت روش ، دو ازدہ گھنٹہ۔
زیندھا الم آ
بنا بیغی
ختم بیغی ایں۔۔۔

مرگ
نہ زیری نیمناں،
نَیلی۔

بلے
اغراے
گھنٹہ ای
ہبرے
اگاں کیلینڈر ئے
کچ و مانڑگوئنڈترّنت،
’’عہد و زمانہ ‘‘
مئے تبصرہ اے
عامیں۔

شفاں وفسوں
کنوں وہاواں
شزار روشاوثی کاراں
اوہمے ڈولا
زیندھ، رو(ث )کُٹّی۔

بلے یک مڑدی آ کسّے
اگہ لوڑ ا بہ ترّ ینیث
ولّہا داثی
رُخا پھیر نیتہ کنتی (ا) گر
پہ کُل ئے جوانہہ و سیثا

تو آئر ا مایہ نامے دَوں
’’پیغامبر‘‘،
’’سپرمین‘‘،
یا
’’جینی اَس‘‘

ما
زیندھا ژہ
نہ لوٹوں زیادھیں چیزاں
گزر دانکومہ خنت مجبور
انچ اے دہِ نہ روں دیما۔
مئے زیاتاں زیات مزیں واہگ
وثی لوغی ئے
وش دارغ

بلے
اغرکہ ابھّری کسے
کہ روح و جان یک بنتی
مئے ڈولامہ ویثاں ، آں
بی اکیّلااو سر کڑدو
گڑہ معلومہ بی آں
کہ
ہذا ئے ڈولا بلکو خیں
پڑے نور ئے
یاکہ
سونہڑائین او زبیداریں
سینگھار و سمارتی اَیں
جھالرے جوائیں۔

نشان و نشک و تمغہ اش
شیلفانی تہا ایراں
ہشار و، نَیں کہ
بودلائیں۔۔۔
ژہ گواثا
دِہ سفک پَٹ ایں۔
برو تہ
گھرڑوبیار،معنا ہاں

کوگیں ناں
(شہ) ہمنگیں چوڈوو چھالاں
چوکہ چوڈ وآنو ئے
نہ زردی بی نہ بگی بی۔

گڑہ، لینن نہ وی کچغ
گوں
ہمے والاں ہمے گزّاں
وختے (کہ) وثی چماں
ہر کسادیثہ
کہ تاریخہ دورا
ڈولودِہ نویثو
کنجی بوتکغاں دگئے
گڑاجیکٹ
کہ نَیں زیادہ مزن ایں
نَیں کہ
گوئنڈیں بازی آ۔

قوم
گلائی لیننا ہم چہ؟
ہمنگیں لیڈرے ڈولا
’’کہ داری گھاڑ والقاباں ھذائی آں؟‘‘۔

اغرجائی لیننا زڑتیں
ہذائی دروشمے رنگے
یا گھاڑے بادشاہانی
تہ مں ہچبر
وثارداشتہ نہ خث
ژہ
احتجاجا، دل رنجی آ
مں واھوداشت ، انّہ کث
گلی لافا، سڑک چکا
تہاہالئے
جلوس وموتکانی ئے ۔

مں کشتنت لَوزملامتئے
گرندوخیں زڑیکو خیں ملامتئے ،
اووھدیکہ ذلیل کرت اش
مناں را
اومئیں پراتانا
مں
استعفٰے ئے
مطالبہانی
بمب گورینتا ں
کریملنا،
توہین ئے کافری ئے
منی چوہکار
شثین انت دَہ
حدّے آزماناں۔

بلے میت ئے نزدیکا سہرابی
درژنسکی (2)۔
چُپ چُپی آ۔

مروشی
موکلہ داث
آں، وثی گارڈ ا۔

لکھ ایں چم
جلشکنتاں
چھڑوگوں انڑزیاں
مرشی،
ژہ بُوتاں جہل نیا ینت انڑس
ہموذابرف بنت اوشتنت۔

تئی
خذائی ئے
بزرگی ئے
موثا
احساس ئے
ککے دِہ
رنگینتہ نہ خث۔

بلے مرشی
دڑ د،سُچائیں
ہردل وروحا
جسکینی لڑزینی۔

مروشی پورغاؤں ما
ہماں ہستی ہماں مڑدا
کہ شماں کلے وجوداں زیات
دنیائی اوزمینی اث
کہ آتکغنت ایذا
دنیائی کارکنغاپہ

ھَو ھودنیاوی
بلے ہما نگینے نہ
کہ
وثی پونزاژہ دِہ د یما
دیستہ آں مہ خنت ہچی۔

آنہیاگھڑی لافا
دراہیں گل زمیں زڑتہ
دیثغنتی چیز
بازدِیریں
گوں عا میں مڑدمی چماں۔
است اث مئیں او تئی ڈولا
انیشغ اِش کڑ وبیثہ
بڑز و شیفغیں
مُنارہمے ڈولا؛

چمانی چیار مں کنڈی
پکر زذغیں کرشک
ڈونگھاتر ثغنتی
جوڑاِش بیثغنت سخت تِر
اومیغاں ژہ گیش طنز آمیز۔
حاکمی سختی نہ
کہ مارادُرشی بلّی
بلے سوبئے بگھی ئے وھیلانی شیرا

لغاماں سخت کنانث آں۔

گوں دوستاں سنگتاں یکّو
وجودے اث
مہر ئے مہربانی ئے
بذوآں گوں ہمکر سخت
سختیں آسنہ بھیرا۔

آنہی اندر ادِہ او ،منی وانوخ
پہ جنگااستہ کمزوری
او مئے ڈولیں شغل
اومشغلہ اثنت۔

بزاں بلیر ڈمناں دوستیں
پہ ساعت تیری آ مئیں آ،
آنہیاّ پہ شطرنج اث۔۔۔
شطرنج ، کہ
پہ لیڈراں
جوانیں ہم۔

او
شطرنجا ژہ دیمہ چرینی
دژ منہ نیغا
کہ زیندغین انتاں

آنہیا
بڑتغنتاں
زی ایں گنگ دامیں
شطرنجی پیاذغ
پہ طبقاتی مڑائیا
ہذیں سرکارے
انسانی،
مزدور طبقہ ای
جوڑبیثہ
کہ کیپیٹلا داثاں
’’ شہ ماتے‘‘ شطرنجی
او
دراہینی
آنہی جیلہ بلڈنگا۔

ماخ و آنہیا
ہمے یکیں پکر
وذاں داشتہ

گڑہ پچے چوشیں کہ
مں آنہی نیاں سیادے
گڑہ دِہ
وہش و خوشی آ
دیاں ساہا ختم بیاں
تانکہ
زینداش
گیشتربی
چھڑ ویک ساہی اے کچا؟
او چڑومن نہ۔
گشی کئے کہ
گہتر و شراں
شہ باقی آں؟

مں پکاں کہ
کسانیں اشارہ اے چکا
شرقا گرداں مغربا
دراہیں معدن و مِل آں
یکے دہ
نہ وی اگھ و پذ
ہمے ڈولہ کنغا پہ۔

بے اراداہی آمں
ریل و سڑکاں ژہ
کُزلاں
کُنڈاں ژہ چُپ ایناں
شراو کاواڑ تغینہی
کہ گنداں بُلمٹاراں مں شراب ایغاں
سراُوں تری۔
پہ آنہی
مزن پاندی ایں مرگہ
نیاما
اے بھنڈڑوئی
موتکوڑی آنی آ
کئے ماریث منی مرگا
کہ بے نام ایں؟

آں گوں بینراں کا ینت
آں بے بینراں کا ینت
دراہیں روس
بزاں دوہمی برا
یک ساہتے واسطا
خانہ بدوش بیثہ۔

درفشی کالمانی ہال (3)۔
شمانہانی
گامانی
ترپکا ٹاں

نزاناں کہ سبب چے بی؟
اوپرچہ ؟
بیرکانی چمانی سہریں پیپلیاں ژہ
برفیں انڑس
بہغاینت۔

موتکی افواہانی
منڑ منڑ کنغا گوں
ٹیلی گراف ئے گٹ
بیثغ اَنت گرّا۔

کئے ایں؟
تام ہندی اے ؟
چے کرتہ ہمے مڑدا ؟
کہ شہ مار کلّے انساناں
اشراف وجوآں مڑداث۔

Check Also

بانجھ بنجھوٹی ۔۔۔ انجیل صحیفہ

میں نے  کثرت سے آنکھوں کی بینائی خوابوں پہ خرچی ہے سو آنکھ اب کوئی ...

Leave a Reply

Your email address will not be published. Required fields are marked *