Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » ولادیمیر ایلیچ لینن ۔۔۔ مایا کوفسکی / شاہ محمد

ولادیمیر ایلیچ لینن ۔۔۔ مایا کوفسکی / شاہ محمد

ندرکنغاں
مں ثی شیئرا
روسہ
کمنسٹ پارٹی آ

آتکہ ویلھا مروشی
کہ
لینن ئے شئیرا جناں(1)۔

اے سببانہ
کہ
غم، کم بیغیں
بلکنا پئے خاطر ا
کہ سری سری ساعت ئے
صدمہ تچک
بیثہ یک ڈونگھا
اوجُہلیں دوری اے ۔

او ٹائم
گاماں تیز بہ کں
لینن ئے
واہُو او گوانگ و نعرہ آں
زیر وثی بانزراں تالاں بہ کن!

پَر ما نہ
کہ ما
ڈوبارون اِش
انڑ سانی تہا ۔

اے جہانا
کس نَیں زیندغ
زیات شہ آں لیننا ،
مئے ناغ
و
مئے پوہی او عقّل
باوری ہتھیاراں مئے۔

عوام
بیڑی انت
او
بُوجی انت
ڈغار ئے۔

زیندھ کہ
گرّ ا کنے جیغیں،
تہ ژہ گندھ وگرائی
ڈھیرو درنگاں
ہر وڑ و ہر لونئے سہدار
لگڑ انت
ہر نیمگ و ہر پلوا
مئے بوجی ئے۔
بلے گڑہ بھوریناناں
طوفانئے بھر مثغیں جھگاں
یکیّ کیث او
درو کانندی
پیتا فا
او
اچّاکنت
سمندر ئے لگڑ تغیں ولّ
او
لگّوئیں جیلی فش ئے
لِوزاں۔

مں
رواں گوئر لیننا
پہ وثی آنی
صاف کنغا
تا کہ
چولاں مں جناں
گوں انقلابا بچیا

تُڑساں
ژہ اے
چَک مں چَکی
ایریں گلا ئشتاں
توصیفاں
چو کہ چُک تڑسنت
ژہ نیستیں
دے آں بلایاں۔
آں
ہرمڑدا
پاغہ بندنت
او چَٹ
ہمے خیال
دِہ
مناں زہر آری
کہ
شاعری ئے گھڑ ثغیں
ہمنگیں نُوریں پڑے

اوڈھر کنت
لینن ئے اصلیں
پراخیں

انسانی
انیشغا

تڑساں
آں مہ وی
کہ رسم و دود،
گنبد ومقبرہ،
جنازہ ای جلوسانی درا ژاذ
بینغ ٹاہینتغیں زہر
تعظیم ئے تشہیر ئے،
ابدیں کننت

لینن ئے المّیں
سادگی آ ۔

مں لڑزاں
وثی دیذوخانی چکا
آں مہ وی کہ لینن
کُوڑا کنے جی
گوں دروغوئیں زیبائی آ۔

بہ لکھ!۔۔۔۔
اومنی دل
ووٹاں
کہ اختیار داثغنت
ڈیوٹی ئے مینڈیٹا ۔

Check Also

یاخداوند قُدرتانی ۔۔۔ شوکت توکلی

یا حْداوند قْدرتانی کْل چاگِرد مالِکئے ھْشک تر و کوہ وکھلگر مزن کسانئے واژہے باطنَئے ...

Leave a Reply

Your email address will not be published. Required fields are marked *