Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » غزل ۔۔۔ نعیم رضا بھٹی

غزل ۔۔۔ نعیم رضا بھٹی

اس نے بھی خود کو بے کنار کیا
جس کا ساحل نے انتظار کیا

آئنے میں سلگ رہا تھا لہو
پھر بھی حیرت کا دل شمار کیا

کورا ہونے سے پیشتر میں نے
ایک اک رنگ اختیار کیا

میری دیوانگی بھروسہ رکھ
میں نے پانی کو بھی غبار کیا

میں تو آنکھوں سے بات کرتا ہوں
تم نے ہونٹوں پہ اعتبار کیا

میں کہیں بھی پہنچ نہیں پایا
کیونکہ سائے کو رہگزار کیا

اپنی تسکین کے لیے اس نے
پھول کو شاخ پر سوار کیا

تم بھی مصروف ہو رہے رضا
تم نے بھی عشق اختیار کیا؟

Check Also

چوتھا دن ۔۔۔ قندیل بدر

ابھی کچھ کام باقی ہے ابھی سورج پہ پہلا پاؤں رکھنا ہے فلک کا ریشمی ...

Leave a Reply

Your email address will not be published. Required fields are marked *