Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » چَٹ نا بے امیدی شیئرے ۔۔۔ پبلو نرودا /شان گل

چَٹ نا بے امیدی شیئرے ۔۔۔ پبلو نرودا /شان گل

چیارمں کنڈاں سانڑیں ایں شفا ژہ تئی گیر سمبری
کؤر وثی گہہ گیریں زہیروکاں سمندرہ کنت اوار

بام رنگ بَرّیں چوگیڈی ڈوبرا
اے لُڑغہ وختیں، آہ او اِشتغیں!۔

مئیں دلہ چکا گوار غاینت ساڑتیں پُلاّنی سغر
آہ او ملبہ ئے کَڈ، تباہ بیثغیں آفی جہاز ئے ملبہ ئےِ ہژمبناکیں ہوڈ

تئی اندرا مُچ انت جنگ و لڈوبوژ
اَشتو گھمر جنوخیں مُرگانی پَر رُستنت

تہ دِیر ہانی ڈولاَ ، ہرچی لوہڑ اِث
سمندرہ ڈولا، وختہ ڈولا ، تئی اندرا ہرچی ڈُبثہ!

اے وہشیں ساعت اث جسمانی ھملہ ئے او بُوت چکّائیئے
جادوئے ساعت کہ جلشکث لائٹ ہاؤسے ڈولاَ

پائلٹہ ہژمب، کوریں ڈرائیورہ پونشوخیں زہر
مہر ئے سرکش ایں شرابی نشہ ، تئی اندرا ہرچی ڈُبثہ

مئیں روحہ مُژئے چوروی لافا، کہ پَرپَرا کنغیں او ٹپی ایں
اوگار بیثغیں پولوخ و سوہوبیوخ‘ تئی اندرا ہرچی ڈُبثہ!

تہ و ثی سرینا بستہ غم، تہ خواہشا لگُڑ تغئے
غما ترا توسینتہ، تئی اندرا ہر چی ڈُبثہ

مں سائے بھِت پذ کنزینتہ
دِیر ژہ خواہشا ،ژہ فعلا ، مں چُپی آ درکپتغاں

آہ او گوژد، مئیں جند ہ گوژد،او آں زال کہ مں مہر کثو برائینتہ
مں ترانمبئے ساعتا گوانکہ جناں، وثی سَوتہ پڑ تو جناں

تہ یک دُنگے ڈولامزں پاندیں نازلکی ہَندداثہ
او مزں پاندیں شموشاترا ٹُکرٹُکر کثہ دُنگے ڈوَلا

جزیرہانی سیاہیں تہنائی اث
او ، ہموذا ، او مہرئے زال ! بڑتہ مناں تئی بھانکراں

تُن اث، شذاث، او تو اَثئے میوہ
غم اث، بربادی اث، او تو اَثئے معجزہ

آہ او زال! نزاناں تہ مناں شوں داشتہ کثہ
وثی روحئے زمینہ اندرا، وثی بھانکرانی صلیبہ اندرا

پر تو مئیں خواہش چکھر وحشی اث چکھر گوئنڈث
چکھرڈکھیااو شرابی نشہ اث، چکھر تکڑائیا بستیا یث او چکھر لالچی اث

چکغانی قبرستان، دانڑتی تئی گمبذاں آس استیں
دانڑتی براں جھونٹوخیں شمب شُشنت ، مُرگ جن انتش چُنگاں

آہ او گَٹّی داثغیں دف، آہ او چُکثغیں دست و پاذ
آہ اوشذی کنوخیں دتاناں، آہ او ول گپتغیں بدن

آہ او امیدو زورئے گنوخی اوارکنغ
کہ آنہی تہا ماضم بیثوں او نا امید بیثوں

او ہماں نازلکی ، کہ آفہ ڈولاَ آڑتہ ڈولا سفک اث
اوٹوک جوڑانی چکا کم کم شروع بیثنت

ہمش اث منی بخت او ہمشی اندرا یث حدا زیات باڑئے منی دراژیں سفر
او ہمشی اندر ا منی حدا زیاتیں باڑ کپتہ، تئی اندرا ہر شئے ڈبثہ

آہ او ملبہئے کَڈ ، ہر شئے تئی اندرا کپتہ
تاں غم تہ نہ گوئشتہ ، تاں غمہ اندراتہ نہ ڈبثغئے!

موجا بگر تاں موجا تہ دانڑتی گوانک جث دانڑتی شَیر جث
یک بیڑی اے اگھی سرا ناھدا ءَ ڈولا اوشتاثیا

تہ شَیرانی اندرا دانڑتی پُلاں مورنئیے تہ دانڑتی کرنٹاں ودی کنئے
آہ او ملبہئے کڈ، بُسک و جوانیا تلخ بی

زڑدترثغیں کوریں ٹمبکنڑیں دیوخ ، بے بختیں چَڑَو چِکّوخ
گار بیثغیں پولوخ و سوہو بیوخ ، تئی اندرا ہر شئے ڈبثہ

اے لُڑغہ وختیں، سَک گوۂرئے ساعتیں
کہ شف چِکی بندی وثی کُل ٹائم ٹیبلاں

زِرئےِ چلپوخیں ساذ تیابہ بندی
ساڑتیں اِستار بڑزاچِکّے جنت، سیاہیں مُرگ لَڈنت رونت

بام رنگئے سٹیشنانی ڈولا بّر
مئیں دستانی لافا چھڑو لڑزوخیں سا وَل گرنت

آہ او ہر چیزا ژہ دِیر ، آہ او ہر چیزا ژہ دِیر
اے لُڑغہ وختیں ، آہ او اِشتَوداثغیں!۔

Check Also

یاخداوند قُدرتانی ۔۔۔ شوکت توکلی

یا حْداوند قْدرتانی کْل چاگِرد مالِکئے ھْشک تر و کوہ وکھلگر مزن کسانئے واژہے باطنَئے ...

Leave a Reply

Your email address will not be published. Required fields are marked *