ماما دائمی پَندا انت  ۔۔۔۔ اسلم تگرانی

دور ونوبت جن انت۔ پدی بنت ۔ بُرز وبلندیں ماڈی وقلات، خصارانی سرٹُل ، پروش ئے ارجان بنت۔ بلے کرنا نی گوزگاپد لہتیں انچیں شاہ نویس ، پول کاروجہد کارانی کسہ پہ گواچنیا نمیران بنت ۔ ھمے نمیرانیں کسہانی تہا یک کارستے ماما عبداللہ جان انت۔
بخارہئے سیدیں مات بیبی پری جانا شاگیں مید بندیں گوانزگاوتی ھمے بچا راستی وگواچنی بلوچ روایتانی پاسبانی ئے لولی داتگ ۔ او اے ہماں لولیانی برور د انت کہ مروچی من و تو اے باروا باوست وترانا ئیں۔
نوشکی ئے ملوکیں مات چوں زامرانئے مردمانی وڈا وتی چکانی ناماپہ دوستی آ جان پر کن انت ۔ا وھمے جان عبداللہ ئے دیما پرکنگ بوتگ ۔ جمالدینی بلوچانی یک ٹکے نام انت کہ رخشانیانی شاہ ات۔ اشانی بُن پیرکئے نام جمال دین بوتگ۔
واجہ عبداللہ یک رژناہ پگریں بلوچے ات ۔ بلوچیت ئے دراھیں دروشم آنہی تہا درا بوت انت۔ واجہ انگریزانی ھلافا چاغی آبلوچانی جنگ آجوئیا چہ ہمنچک سان زیرایت کہ وتی یک بچ ئے ناما ھمے جنگ ئے بامرد ئے جیند خان ئے نامازوریت ۔کہ آں انگریزانی دیما اسپرے و ٹوھین نوانے ۔ واجہ عبداللہ ئے کماش ئے نام خان جہان بوتگ کہ ماں لیویزا جمادارے بوتگ ۔ ماما آبنداتا قاعدہ بغدادی قرآن مجید و پنچ کتاب ئے درس دیگ بوتگ و اِشانی ھلاس کنگا پد واجہ سو تیگان ماشکیلا شتگ کہ اود ا آنہی ناکو فقیر محمد اُردو و ریاضی ئے تعلیم داتگ و اسکولاپہ پندشتگ ۔ آوھدا آنہی ھندو دوست بچکے جے چند نامینے بوتگ ۔ ماما ئے اُستاد بلوچی ئے کوھیں قلات میر مٹھا خان مری بوتگ ۔ ماما چہ نوشکی آکوئٹہ آشت ۔ اود ا چارمی کلاسا وانگاات ۔ کہ ٹائیفائیڈ تپا گپت۔پدا آں ناکو ا نوشکی آ آورت ۔ ھمے تپا آں 31مئی 1935ئے زمین چنڈ ا بچینت ۔
واجہ جمالدینی بنداتا چہ اقبال ئے شاعری آ متاثر بوتگ ۔سکولئے وھد ا شکوہ و جواب شکوہ ئے دلا زپت بوتگ انت۔ فیض احمد فیض وگل خان ئے شاعری ئے شیدائی اے بوتگ ۔ عبداللہِ واھگ ات کہ علی گڈھا بہ روت ۔ بلے ہاشم غلزی ئے مشورہا 1941آں اسلامیہ کالج پشاوراشت اوکالجا آں مودودی ئے جماعتا چہ متاثربوت ۔ صوم و صلو ۃ ئے پابند بوت و ریش ئے داشت انت۔ ھاوند ئے کار زانگ نہ باں پتا وفات کت و مستریں برات ایراناروت۔ واجہ پدا وتی مکہیں ڈگار ا کیت پہ لاپ ئے والنگاجنگلات ئے محکمہ آ جونیئر اسسٹنٹ ئے ملازمت کنت ۔ ماماپریم چند ئے قصہانی وانو کے اَت ۔ آں یورپ ئے ٹو ھیں ٹوھیں نوشتہ کاران وانقلابئے فلسفہاسرپدات۔
میکسم گور کی ئے وڑیں ادیبانی نوشتہ ہاں آنہی زھن ئے تہا نوکیں پگر وسساودی کت ۔ ’’تیل ئے بادشاہ ‘‘ ئے رجانک کت ۔ پدا آنہیا چیخوف، کرشن چندر ، ٹالسٹائی ۔ صدر الدین عینی وڈیں نامئیں شاہ نویس ،او نوشتہ کارانی بنشتانک رجانک کت انت۔ ہمے رنگا آنہیا سبط حسن ئے شونکاریاچھاپ و شنگ بوتگیں ماھتاک ’’لیل ونہارا‘‘ بازیں نشتانک ئے نبشتہ کت۔میر عبداللہ جان جمالدینی 1947بگرداں 1988آ بلوچستان یونیورسٹی آ پاکستان سٹڈیز ئے کارمستر بوتگ و ماں بلوچستانا بلوچی زبان ئے وانینگا آنہی جہد و کوشت ساڈاھگ کرز نت۔ و بلوچی ڈیپارٹمنٹ ئے سرکماش بوتگ ۔ ماما را شش زبان ئے سرادست رس بوتگ۔ ماما جمالدینی یک ادارہ ویک بومیایے ات۔زند نا مک تہانوشتہ انت۔
’’ماما سماج میں خواتین کی غیر انسانی زندگی کو بدلنا چاہتے ہیں ۔ ان کا اپنے استاد کی اس بات پر مکمل ایمان ہے کہ ایک اچھے اخلاقی نظام کے لیے پردہ ضروری چیز نہیں ہے ۔ بلکہ درپردہ یہ تو الٹا ایک اچھے اخلاقی نظام کے قیام میں رکاٹ ہے۔‘‘
بلوچستان ئے تہا دیمروی و روژ ناپگری ئے جنزلٹ خانہ ماما ئے جہدانی برور دانت ۔ اے گپ ئے گوائیا شاہ محمد مری وتی کتاب عشاق کے قافلے ئے تہا دنت ۔ ’’لٹ خانہ نامی اس مکان میں سماجی ، معاشی سیاسی نظریاتی مسائل پر بحث مباحثے ہوتے ہیں اور یہیں پہ تحریک کے داؤ پیچ اور حکمت عملی کے بارے میں فیصلے کیے جاتے ۔ محدود بیمانے پر پمفلٹ اور مطبوعات بھی چھاپی جاتیں‘‘۔
بلوچ بامرد داد شاہ ئے برات احمد شاہ وھدے کہ دزگیر بوت۔ کراچی ئے بلوچاں آنہی ھلافا دربند و ہڑتال کتگ کہ ایران ئے حوالہ کنگ مہ بیت ۔ یک زرمبشتے گوں زور و شور ا چست بوتگ ات۔ واجہ عبداللہ جان ھمے زرمبشت ئے روح رواں بوتگ۔ اے آر داد گوشیت ’’جمالدینی ئے زند نامک تہا یک یک چیرانی بیاں جزئیات نگارئی شریں رنگے آ گندگ بنت‘‘۔
داد گوشیت۔’’ اے زند نامک ئے وانگا پد رخشانی کٹم ئے زند مان دود مان و ربیدگ ، پدا انگریزئے زمانگ وآنہی وتی وانگ ئے سپر و دربرگ،آنہی شخصیت ئے سرپد بوگاشریں کمکے کن انت۔ عبداللہ جان ئے زند نامکا چہ ھمے سھر ابیت انت ۔ پت ، برات ناکو ایند گہ مردماں چہ آٹرا ہمنچودوستی و مہر رستگ کہ بہر نہ بوتگ‘‘۔
اگاں من بگو شاں آبلو چی ئے دیمروئی آ راجد پتری کرد ئے واجہ انت۔ بگندے من ردّنہ باں
یلیں دیوان!۔ھمک پندو سفر روچے نہ روچے آسر بنت وکُٹ انت وھلاس بنت۔ بلے لہتں مردم آسر بوھگاپددائم سفرو پندا روان بنت۔ اے وڈیں کارستانی لڈگ و گاربوگ ئے ھماندارگ کجام چمے آچہ بیگواہ نہ بنت۔ یک آزگیں ٹپے و ئے وڈا دائم چم ئے تہا مانیت وجک جنت۔ آں مہر وانیں ھم سفر انچیں ایر موشیں کشکے آگار بوت کہ آنہی اندیم بوگاسبزیں درچکانی تاک زر دبوگا لگ اِت انت۔
ھما ندارگ منی چمانی کانیگا انچش ایر نشتگ آں مردالڈگ ئے وھدا گڈی ساہاکساگریوگ ئے موہ ندات۔
ماما ۔۔۔اگاں زند مانیا وپاکت تئی وبی بی ئے آسری کسہ ئے لڈگ ئے سفرئے سرا المّا گدارے نوشتہ کناں۔