Sangat Academy Monthly Sangat Quetta
بے زوانیں زواں استا
بلوچ راجئے ترجماں استا
یک عہدے مئے غاشہ جدا بیثا
مئے عظمتیں آں آزماں استا
تھیوغیں زند خدمت کُھزی
پھیری آمادے جواں استا
مئے دڑ دویلیں زانت کارا
زند رازیں راز داں استا
علم دیغا گو زند گوازنتی
شعور باغ اے باغباں استا
آنہی آمارا مِہر ئے سبخ دازا
مہر و محبت ئے جہاں استا
وثی ڈیہہ ہاخے سرا عاشقا
بلوچ راجا گوہم زواں استا
بلوچ زوانے مُحسن ئے مزائیں
بلوچی لبزانک ئے شاں استا
پوہیں مڑد پیدا کُھز غنتی
پِھکروفن ئے ڈس ونشاں استا
نوخیں نسلا پھکرے داثی
لٹ خانہ ئے امیرِ کارواں استا
یک شمبئے آزانتکار اپھجی کنغا
سنگت سرا باز مہرواں استا
ایوکا ادب ئے جنگ جوڑ ذی
ادب ئے بلائیں نکتہ داں استا
رفیق ؔ روت ہر کس روچے
باز گچینیں آں انساں استا
