پیارے بابا ’عبداللہ جان جمالدینی’ کے نام ۔۔۔ نوشین قمبرانی

ہمارے بچپن کے موسموں میں،،
تمہاری آنکھوں کی چاشنی تھی
عجب زمانہ خمار سا تھا،،،،،،،،،،
عجب وہ خوابوں کی راگنی تھی.
تمھارا آنگن دھنک دھنک تھا،،،،،
ہر اک تمنا مہاگنی تھی۔۔۔۔۔۔..
نہ کوئی مذہب تھا جاں کا دشمن،
نہ ماتمی رنگ چاندنی تھی۔۔۔…
وہ کیا سماں تھا محبتوں کا،،،،،
ہماری راہوں میں روشنی تھی…
مگر زمانے کی کم۔نگاہی کے،،
درد بابا بہت کڑے ہیں۔۔۔۔۔۔…
یہ تم سے وابستہ سارے رستے،
یہ گلزمیں اور تمھارے بچے،،،،،
علامت_قہر و غم بنے ہیں۔۔۔…
مگر ستم سے نہیں ڈرے ہیں۔۔۔.
تمھارے رنگوں میں ہی رنگے ہیں،
ہم آشتی کا عَلَم بنے ہیں۔۔۔۔۔۔…