ہاتھ میں کیا ہے
ریکھائیں ہیں
کیا لکھا ہے ریکھاؤں میں
موت لکھی ہے
موت لکھی ہے؟
اور بھی کچھ لکھا ہے دیکھو
خون لکھا ہے
خون لکھا ہے ؟
کچھ تو اور بھی لکھا ہوگا
اندھیرا لکھا ہے ان میں
اور گھٹن ہے
اور جہالت
اور نحوست
اور غلاظت
ایسا کیسے؟؟ کیوں لکھا ہے
پھر سے دیکھو
ایسا کچھ لکھا ہو ان میں
خواب لکھے ہوں
پھول لکھے ہوں
اور محبت
اور عبادت
اور کہیں انسان لکھا ہو
یہ کس چڑیا کو کہتے ہیں؟
وہ جو دھاگوں سے بندھی ہے
کٹھ پتلی ہے
ناچ رہی ہے
موت کی لے پر
تا تاتھیا
Check Also
سوچوں کے مضافات ۔۔۔ نسیم سید
روح رقصاں ہے یوں جیسے مجذوب گھنگھرو مزاروں کے یا دائرہ وار صوفی بھنور خواب ...