اُسے کہہ دو ۔۔۔۔۔۔ امانت حسرت

شہر کاشہر خفا ہے تیرے جانے کے بعد
ہم نے راستوں کو بھی روتے ہوئے دیکھا اکثر
چلتے رکشوں میں بھی محسوس ہوا ماتم و غم
’’ سریاب سریاب‘‘ کی صدائیں بھی مدہم سی تھی
جیسے، دل شکستہ ہو لوکل اور کلینر دونوں
گویا کاشان* کی ویران دہلیز نے پوچھا
وہ جس کی خوشبو ں سے مہکتی یہاں دیوار و در
وہ جو تے درد و نظر کے مرکز۔۔۔۔۔۔
وہ جو ایک شخص، صبح و شام تیرے ساتھ آتا
اُسے کہہ دو۔۔۔۔۔۔
اسے کہہ دو کہ تم آؤ گے تو آئے گی بہار
اسے کہہ دو اب نہیں شام کا رنگین خمار
اسے کہہ دو کہ تیرے بن یہاں ویراں ہے فضا ء
اسے کہہ دو کہ پکارتی ہے تجھے قوس قزح
اُسے کہہ دو
اب کے لوٹ آؤ غمِ جام چھلک جاتی ہے
اب کے لوٹ آؤ تیری یاد بہت آتی ہے
*کاشان ہوٹل