Home » شیرانی رلی » مستیں توکلی ۔۔۔ حمیرا صدف حسنی

مستیں توکلی ۔۔۔ حمیرا صدف حسنی

میرے مستیں توکلی سن لو۔۔۔۔۔۔
اب بھی جذبوں کی نوحہ خوانی ہے
اب بھی دستار کی کہانی ہے
اب بھی جنگ و جدل کا عالم ہے
ہر طرف ہی خزاں کا موسم ہے
میرے مستیں توکلی سن لو۔۔۔۔۔۔
اب بھی درویش یوں بھٹکتے ہیں
شب کی تاریکیوں میں بستے ہیں
اب بھی کانٹے چبھے ہیں پیروں میں
اب بھی تاریکیاں سویروں میں
میرے مستیں توکلی سن لو۔۔۔۔۔۔
اب بھی دنیا کے سخت پہرے ہیں
ہر طرف پیار کے لٹیرے ہیں
اب بھی روحوں کی بے قراری ہے
یہ سفر تو ازل سے جاری ہے
میرے مستیں توکلی سن لو۔۔۔۔۔۔
پھر وہی داستان لکھتے ہیں
جنگلوں میں چلو بھٹکتے ہیں
چاہتوں کا سفر یہ صدیوں کا
پھر سے منزل تلاش کرتے ہیں
میرے مستیں توکلی سن لو۔۔۔۔۔۔

Spread the love

Check Also

سوچوں کے مضافات ۔۔۔ نسیم سید

روح رقصاں ہے یوں جیسے مجذوب گھنگھرو مزاروں کے یا دائرہ وار صوفی بھنور خواب ...

Leave a Reply

Your email address will not be published. Required fields are marked *