لولی ۔۔۔۔ غمخوار حیات

لولی لولی اُست ئنا بند کنائے
جی ءُُ جی جی خنتا دیدہ پُھل چنائے
لولی لولی کیوا چاکرؔ نا چنائے
مسُس بھلُن ڈیہہ ءَ کن ندر تخس سائے
کنا منصورؔ دسیس فکرئٹ بڑزو چلتن
گلزمین لمہ ئے دادے دپیس اُستن
بروکا وخت ئنا خواجہ نی اُس سالار
کنا لال نیتونے داقوم ئنا دستار
بالاچ ؔ نا دود ءُُ ربیدئے اُستن دپیس
تینا دستا ر ءَ کہ نی کاٹُمے ندر کیس
گودی لاریبؔ اِلیس پن تینکہ جہانٹ
توبے ئے دروت اَلیس نی علم ءُُ شانٹ
ہر درا مہر نی بشخس کنا مہربیارؔ
کتاب ولوزاتیٹ کیس زندءِ گلزار
رَند ئٹ گل خانّ نصیرؔ نا تخیس سوچے
اواری نا کلہو ایتس ہر بلوچے
شعور وجوزہ ءَ تو یکجا مریس دوستینؔ
رُژن ورُژناؔ مرے یکا پھلو نا شینؔ
وڑئٹ حمل نا وطن کن مریسک ندر
تینا دھرتی دا چمن کن مریسک ندر
نی تینٹ کیس شوہاز پُھل تینا بختے
وختا تو گام خلیس نی اِلپیس وختے
غریب ، بز غر تو شوان تا مریس غمخوارؔ
راج ئنا دڑدے نی اُست ئٹ الیس غمخوارؔ