Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
Home » شیرانی رلی » غزل ۔۔۔ ڈاکٹر منیر رئیسانڑیں

غزل ۔۔۔ ڈاکٹر منیر رئیسانڑیں

جسے دیکھو اُسے دیکھا ہوا ہے
یہ دھوکہ ہے کہ کوئی معجزہ ہے
یہ کیا جادو کیا مشاطگی نے
خیالِ آئینہ ہر سو سجا ہے
محبت عنکبوتِ وہم ہے بس
فریبِ مستقل خوابِ وفا ہے
دوامی ہے یہ منظر دوستی کا
سرِ آبِ رواں کِس نے لکھا ہے
حقیقت اک سرابِ سلسلہ خو
فسانہ دیکھیے تو جا بجا ہے
قیامت کیا خبر آئے نہ آئے
جزا کی بے یقینی خود سزا ہے

Check Also

غزل ۔۔۔ ڈاکٹر منیر رئیسانی

شہر نو اطوار تیری خامشی بھی ہاؤ ہو خواہشوں کا رقص جاری،لمحہ لمحہ چار سو ...

Leave a Reply

Your email address will not be published. Required fields are marked *