دستونک ۔۔۔ اے آردادؔ

کرنانی پیچ ءُ تاب کُجا کم بہ اَنت بگوش
گیشیں تماہ، گیشیں دگہ گم بہ اَنت بگوش

یا تانی مست ءُ موجیں زِر ءَ چم منی کپنت
بندیں دریگ دراہیں پداشم بہ اَنت بگوش

من اوں سروز ءَ زیراں وتی کایاں ملپد ءَ
سنگت بیاینت آس ءِ گورا جم بہ اَنت بگوش

او اپس سوار سھتے بدار قصّہ ءَ وتی
موسم ترھنت اِنت، واب کپنت دم بہ اَنت بگوش

ھتناکی ءَ وتی من کناں سوت ءُ زیمرے
’’ من‘‘ کہ شزنت ، تہاربہ اَنت ’’ھم‘‘ بہ اَنت بگوش