ساڑا ۔۔۔ خلیل احمد باذل

تی صفت ایوکی، شان بے حاجتی
لائق ء حمد او تسبیح ئے تو حجتی
شہہ رگانئے بلے لا مکاں پَھمَیاں
ہستی ئے شہما سہرائے ماں جلو ہاں
گید ی ئے رنگ او بو ایو کاتی وتی
تنگہیں حرف ماں تی کتابا ترپ انت
سر پہ تی سُجدہ آ گوں مڈاہے کپ انت
نو رشہم ئے کہ رُژنے جبینا ترپی
ساعت او کترہ تئیگ اَنت کہ دل دریکغیں
زند ئے گوانزگ چہ تی مِنتا شیکگیں
ساہ تی جان تی کرزئے تو بندگی
شرّزانئے بلے انگہ بے گِلّوا
کِچّواں چیر دَے رحمت ئے پلّوا
چیٹگ ئے ہر کسا ماں زماں ہر کسّی
وژدلیں نوبت ئے ہونکیں ساہگا
مارا عمرے بہ بیت پَتّی ساڑایگا
درچک و دریا جِہنت ، وصف سرجم نبی