عجزِ حزن ۔۔۔ ڈاکٹر منیر رئیسانڑیں

رات آکر دوپہر کو کھاگئی ہے
معجزے کو موت کیسے آگئی ہے
قیدِ وقت وشش جہاتِ زشت خومیں
زندگی، جیتے ہوئے گھبراگئی ہے
لمحہ لمحہ چبھ رہا تھا خار جیسا
قطرہ قطرہ، مرگ ، جاں پر چھا گئی ہے
جن سے کرتے تھے دکھوں کی گفتگو ہم
ان کے دکھ کی دھند ہر سو چھاگئی ہے
جن کے سائے میں ٹھہرنا تھا رتوں کو
ان درختوں کو تمازت کھا گئی ہے
دی خبر اُس غم کی جو تھا حد سے باہر
بے کلی اس شرم سے مر جھاگئی ہے