Home » حال حوال » سنگت پوہو زانت خاران ۔۔۔ ضیا شفیع

سنگت پوہو زانت خاران ۔۔۔ ضیا شفیع

سنگت پوہ و زانتے ماہانہ دیوان سنگت پوہ و زانت خارانے کمک سیکرٹری جنرل ضیا شفیع یے پاگواجیا 16 اگست 2015 جم دارگ بوت۔ دیوانے تہا کلیم ارمان، زینل نظام، شہزاد سیاپاد، ولی دوست، ارمان ازگ ساڑی اتاں۔ دیوانے دو بہر اتاں۔ اولی بہرے تہا ضیا شفیع ہا وتی یک کسانیں افسانہے ’’ استاد منی شعرے نہ گشئے‘‘ وانت و پدا زینل نظا م ہا افسانہے سرا وتی خیال دیما آرانا گشت کہ اے افسانہ منی خیالہ ہمے جندے وتی چاگردے ہما گشندہانی کردارے سرا نبشتہ کنگ بوتہ کہ یک گشندے وختے کہ یک جاہے ہا سر بیت و آئی وتی نام و توارے بیت پدا آ وتی توار و وتی بچارا پہ وتی زبان و قومے آسودگی و دیمروی نا بلکیں پہ وتی لاپے رودینگا کار گیپت، جو کہ باز سلیں کردے۔ بوت کن یک و دو انچیں گشندہ ہم بہ باں کہ آشاعرے شعرا بچاراں و وتی نواراں بہ گشاں۔ بلیں چشیں باز کم ایں۔ بلکیں مروچی ایں دورا اے ہم چارگ نہ بیت کہ ہما کہ شعرا دیگا ایں آپکا شاعرے یا پہ وتی نامے واستہ ہما گشندہ ہا پہ بہا زورگا انت۔ پدا ڈمانڈ بوھگا ایں کہ منا اینکس بدے من تئی واستہ شعرے لکاریناں پدا نورا ہم گشنے۔ اے چیزا شہ بلے گشندہ پہ وتا چیزے زر کمایاں بلیں دومی نیمگا زبانا رسواہ کناگایاں۔ ایشی واستہ باھدیں سرپدیں زانتکار گامگیجیے بہ زوراں۔ شدو پد نوکیں اوکیں سنگتاں وتی پجار کنائینت و دیوانے دومی بہرا یک مشاعرہے کنگ بوت آئی تہا کلیم ارمان، زینل نظام، ولی دوست و ارمان آزگ وتی شعر وانت انت۔ پدا اردو زبانے ورنائیں شاعر و نگدکار واجہ دانیال طریرے ناگتیں مرگا سنگتاں شہ خدا وندے پاکیں درگاہا دعالوٹت کہ خداوند نمیرانیں دانیال طریرا وتی رحمتانی ساہگا جاہ بہ دنت و پشت پدانے صبر بہ دنت۔

Spread the love

Check Also

سنگت پوہ زانت ۔۔۔ جمیل بزدار

سنگت اکیڈمی آف سائنسزکوئٹہ کی  پوہ زانت نشست 25 ستمبر 2022 کو صبح  گیارہ بجے ...

Leave a Reply

Your email address will not be published. Required fields are marked *