من کہ بالی خیالانی آوارباں ۔۔۔ اللہ بشک بزدار

من کہ بالی خیالانی آوارباں
دیریں ڈیہانی، جیذانی شوقاں شَلاں
گِنداں!
زیندے پری کندغیں، لڈغیں
دست پُلیں ، گُلیں
دیم ماہ گونغیں
دید ایماں بریں
پاد ابریشمیں
نوذ زانت ئے قلم
شاعرئے، عالم ئے
نُور حرفئے گُشئے
ہر گُرے شنزغیں
نارسائی غم ئے
ٹونک پچارنَیں
مہرئے واپارنَیں
شاہی دربانیں
راجی سردارنَیں
عاجزیں انڑس مئیں۔۔۔۔۔۔ برُکشکا ں تَھلاں
چنکے ماتیں زرئے، زیراں داماں کناں
چنکے بولاں دلئے ۔ دیما، چماں مُشاں