مان ایت بس اللہ ئے نام ۔۔۔ فیض احمد فیض؍خلیل احمد باذل

ما گِندیں
کہ ھژدری اِنت ماہم گِندیں
آروچ کہ آئی دراہی اِنت
کہ بُند ر ئے لوحہ نبشتانک اِنت
زوراکی او ظلم ئے ہشیمیں کوہ
وہدے کہ چو پژ ما بالہ کَن انت
مازیردستانی پاداں زمین
وہدے کہ دِریک دریکّ دریکّ اِیت
او واز دارانی سربانا
ترھک ترھکا گروک وھدے ترھک اِیت
چہ اللہ ئے زمین ئے چار کُنڈا
کہ دُرستیں بُت جاہ زیر گ بنت
ما پاک پیاز ، راندہ اَبیل
ماں تحتا نندارینگ بَیں
تاج درہا مان بُرّگ بنت
تحت درہیں پَرّئینگ بنت
مان ایت بس اللہ ئے نام
کہ اندیم اِنت او موجود اِنت
کہ چاروک اِنت او چم وش اِنت
چست بیتیں ’’انا الحق ‘‘ئے کوکّار
کہ من ہم باں او تو ہم بئے
او مہلوک خدائے بیت وژنود
کہ من ہم باں او تو ہم بئے