کپٹل ۔۔۔ کارل مارکس / شان گل

اولی بہر
کماڈٹی اوزر

اولی باب:کماڈٹی ( جنس )

-1کماڈٹی ئے دو بہر:گزری قدر او قدر ( قدرہ مغز او قدرہ مزں پاندی)
ہماں سماجانی مڈی کہ اوذاں پیداوارہ کپٹلسٹ طریق جاری ایں، وثار” کماڈٹیانی بے حساویں نزآیغے “ ڈولہ پیش داری۔ کماڈٹیانی بے حساویں نزآغہ یونٹ یک واحدیں کماڈٹی اے بی۔ ہمے خاطرا مئے پٹ و پول بایدیں کہ یک کماڈٹی اے تجزیہ آگوں شروع بی۔
سری ٹوک تہ ایشیں کہ کماڈٹی اژماڈنی چیزے ۔ یک ہمنگیں چیزے کہ گوں وثی خاصیتاں مردمئے یک نہ یک گزرے پیلہ کنت۔ ہمنگیں گزرانی بھیر تونڑیں کہ لافئے بنت یا خواہش ئے ، فَرقہ نہ پرینی۔ نَیں کہ ما ایذا اے پوہ بیغا باڑاﺅں کہ ہمے چیز ہمے گزراں شوں پیلہ کنت ، سدھائی گزار ھئے طریقہ ڈولا ، یا اِن ڈائریکٹ پیداوارہ طریقہ ڈولا۔
ہر ڈولیں کار امدیں چیز( چو کہ آسن ، کاغذ اودوہمی )اُشمار و کوالٹی ئے نغاہا گوںدیثہ کئے۔ کارامدی چیزبازیں خاصیتانی اواری اے ، او ہمے خاطرا بازیں بھیراں کارامدبیثہ بی ۔ چیزانی بازیں کارامدیانی پٹ و پول تاریخہ کاریں۔ ہمے کارامدیں چیزانی کچ و کساسئے تک و تورئے سماجی بھیرا منثغیں مانڑانی مُقراری دِہ تاریخہ کاریں ۔ ہمے تک تورانی مزن پاندی ئے بنیادگپلے تہ ہمے تک تور کنے جا بیوخیں چیزانی لون لونی فطرتہ اندرئیں، او گپلے روایت و رواجہ اندرا۔
یک چیزے کارامدی آنہیا یک ”گزرہ قدرے “ٹاہینی ۔ پر ہمے کار امدی خیالی ٹوکے نَیں ۔ کماڈٹی ئے طبعی خاصیتاں ژہ اکّیلا کارامدی ئے ،شماں کماڈٹیاسوا ہچ وجودنے ۔ہمے خاطرا یک کماڈٹی اے (چو کہ آسن ، دان، یا ،لعل )داں وختیکہ یک میٹیریلیں چیزے، دھماں وختایک گزرہ قدرے، یک کارامدیں چیزے۔ یک کماڈٹی اے ئے ہمے خاصیت شماں پورہاتہ مقدارا آزاتیں کہ آنہی کار امدیں خاصیتانی مناسب کنغاپہ گزریں۔ ماہروختیکہ گزری قدر ہ مجالسا کنوں تو مایکو گنڑوں کہ ما چھڑو مقراریں اشمارانی ٹوکاکنغاﺅں ، چو کہ گھڑیانی درجن، گذانی گز، یا آسنئے ٹن ۔ کماڈٹیانی گزری قدر یک خاصیں پٹ و پولے آ پہ موادہ دینت ، بزاں کماڈٹیانی کمرشل زانتاپہ ۔ گزری قدر چھڑو گزرکنغہ گوںیا خرچ کنغہ گوں یک حقیقتے ٹہنت ۔ آں سجہ ایں مال و مڈی ئے مغز دِہ استنت ،تونڑیں کہ ہما ں مڈی ئے سماجی صورت ہر ڈولینے بی۔ ہا،ہماں سماجی صورتئے بارہا کہ ما ٹوک کنوخوں، آنہی اندرا ہمے گزری قدر ، اشی پجی پجیا، ”ایکسچینج قدرئے“میٹریل آمانت داردِہ استنت۔
ایکسچینج قدر، سری نغاہا، وثاریک اشماری سیادی اے ڈولہ پیش داری، ہماں نسبتہ ڈولا کہ آنہی لافا یک ڈولیں چیزے ئے گزرہ قدر، دوہمی ڈولیں چیزے ئے قدراں گوں سوذا کنغ بنت ۔ہمے سیادی وقت و ہندہ بدل بیغاگوں بدل بی ، ایکسچینج قدر بازیں وختاںحادثاتی او سُچائیا اضافی معلوم بیث، او نتیجتاً یک داخلی قدرے معلوم بی، بزاں یک ایکسچینج قدرے ،آںکہ جتانہ ویوخیںصورتا اواریں گوں، کماڈٹیاں، سلھاڑتی ایں گوں کماڈٹیاں،یک تضادے معلوم بی۔ بیائیں ہمے معاملہا دروکانزیخاژہ گندوں۔
یک کماڈٹی اے بزاں گندیمیں دانئے پاتورے گوں چبوانی پالشئے الفہ کچہ، بے ئَ کچہ ابریشم ، یا جیمہ کچہ تنگوہ گوں مٹ سٹ کنغہ بی…….. مطلب اے کہ یک کماڈٹی اے دوہمی کماڈٹیاں گوں جتا جتائیں مقداراں مٹ سٹ کنغہ بی۔ گڑہ معنا ایش کہ گندیمیں دان یک نہ بلکنا باز ایکسچینج قدر داری ۔ پر، چو کہ الف چبوہ پالش، بے ابریشم ، یا جیم تنگو، ہریکے گندیمیں دانہ پاتورے آ گوں ایکسچینج قدرہ داری، تو الف پالش، بے ابریشم جیم، تنگو، ایکسچینج قدرہ حیثیتا گوں یک دوہمیا مٹائینتہ کاینت، یا آں یک دوہمیا گوں برابرانت۔ ہمے خاطرا اولی ہبر ایشیں کہ : یک کماڈٹی ئے جائزیں ایکسچینج ویلیو یک برابری اے درشاں کنت ۔ دوہمی اے کہ : ایکسچینج قدر، موڑی سر چھڑو درشانی ئے اظہار، درشانی ئے صورتیں ہما ں چیزئے کہ کماڈٹی اندرا موجودیں، گڑہ دِہ اِشیا ژہ اکّیلا ایں۔